DANIEL 3:2 - Cho Bible Common Language 2016

² Ghangpughang naw a bawi gui avan ami law vai ah k’bäi gui ci — mang hta gui, uktu ng’vai gui, uktu hmaw ba gui, bawimang gui, ngui kawt ci gui, suki gui, palik ng’vai gui la cun ah khopäng ung bawi gui ami van ah kyak ci. Ngami cu ghangpughang Nebukhadnezzar naw ang lin ah agup ap nak ung ami kai tu vai ah kyak ci.

DANIEL 3:2 Referans Kwoze

DANIEL 3:27

Mang hta gui, uktu ng’vai gui, uktu hmaw ba gui, la ghangpughang ah ahei bawi gui ami van law u ne, cun ah chang thum cu teng gui ci gui. Ngami cu mei naw a pi ah phi kä ui gui ci. Ami lumu phi kä khiit ci, ami suisak phi kä ui ci, meikhu ah phi kä thuk ci gui.

NG'THU K'THUUK~ 29:12

Uktu naw kä hman ci m’cumcäi nak aläk ah akyak ung bawi gui ami van cu hleeihlak ciah kya yawp ci gui.

1 GHANGPUGHANG GUI 12:32

Jeroboam naw yumnak ah mangpawi cu acha cheit ah hnüüp gha lei hma ung bi vai ah k’bäi ci, cun cu Judah ung pawi ah mäih ah kyak ci. Bethela ah sonkiang ung amät ah pyan ah ghui vantang-gup gui am khawihnah nak cu douthak ci, ani naw a cu ah Bethela ung a cawh ah khawihnah hmun ung bii bik khai ah taigü gui phi tha gui ci.

SUKI GUI 16:23

Philistin ghangpughang gui cu a täng ah ng’hmu u neta, ami khanpughi Dakon am dämduh ciah khawihnah nak douthak vai ah k’bäi ci gui. Ngami cu, “Kami khanpughi naw kami ga Samson ah khan ah näng ank na pe gui ci nei!” cine ng’äi ci gui.

KHEI NAK 25:2

Moab gui ah Khanpughi khawihnah nak ah ei awk nak ung ngami cu Moab hnumi gui naw khawihnah nak ei ami ei tu vai ah khü gui ci gui. Moab gui ah ami khawihnah nak ah Israel gui cu ami ei ei tu u ne, ami khanpughi khawihnah tuk ci gui.

THU PHLAAN 17:2

Khomdek ah khan ah ghangpughang gui cu, ani awn ng’yaw ng’pawm lä ci gui nei. Chang ah hta gui avan cun phi ani awn ng’yaw ng’pawm nak ah kyak ciah yu cu awktat ci gui nei,” cine pyein ci.

DANIEL 3:3

Cun ah bawimang gui ami van ng’apnak vai ung ng’bum law u ne, agup ah ma ah ng’düi u kha’ta,