DANIEL 2:9 - Cho Bible Common Language 2016

⁹ Ka mang cu kä nami na m’thein ah a kyak ung m’kyuk nak atäng täng ah nami van am ka ning pe gui khai nei. Akhin a gawk law ung amawng ama cu ng’thawng ei lawk khai ah nangmi naw ngai ne, hleei ne nami na m’thein khai ah nami yum yawp ci nei. Mang cu na m’thein vä, cun ung cun na mang cu k’phlan ne nami na m’thein hning khai ah kei naw ka hmat khai nei.”

DANIEL 2:9 Referans Kwoze

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

ISAIAH 41:23

Ngawi ah a i ah kya lawk khai cicu na m’thein gui vä — Cun ung nangmi khanpughi ah nami kyak cu kami hmat khai nei! Akni bi vä, käcung, leigai baw law püi vä; kyikyawk, kyih aa nakawn na be sak gui vä!

ESTA 4:11

“Hnumi phi, pami phi, a u phi ghangpughang naw kä a khü ah mang im kyong ah lut ciah chang cu sih nak gah khai kyak ci. Cun cu thkhän ah kyak ci. Khopäng gui ung ghangpughang ah chang gui la chang nü naw cun cu hmat ci. Cun ah thukhän phyawn nak vai tumat bäng om ci. Ghangpughang naw chang tumat mat am ak hteipawng a shäng ah a kyak ung, cun ah chang ah hnun gui cu phyawng ci. Cunung phi ghangpughang naw cun ah kei am ana pek nak cu cha ät law pyi ci nei” cik ci.

DANIEL 5:28

M’Khoicha, nang ah uknak khaw cu k’paai ne Medes la Persian gui am pek gui pyi nei” ciah kyak ci.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

EZEKIEL 13:6

Ami müimang gui cu ami pyan ah kya ne, ami cängbang gui cu hleei ah kyak ci, Ngami naw kei ah ng’thu pyen ci gui ah pyen ci gui, cun ung phi kei naw kä ka tüi pe gui ci. Cun ung phi ami ng’thu cu bä khai ah ngaih u ci gui!

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

DANIEL 5:31

A khokum chuk kip lei-goi lawk ciah Mede pakhui Darius naw bawimang huham cu khäm ci.

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”

EZEKIEL 13:17

Bawipa naw pyen ci, “Hnicim Chang, tuhbäi na chang gui ah ng’lung ah hnumi gui cä teng gui ä, ngami cu ng’cängbang nak bik ci gui nei. Ngami cu m’shuk cha gui ä.

NG'THU K'THUUK~ 12:19

Hleeihlak cicu a ghin nak tawi ci, ng’düng ciah ghin nak cu khong län ung om ci.

1 GHANGPUGHANG GUI 22:22

Bawipa naw, “A i hawcha ah ang?” ci sei; Mümcha naw m’shang ne, “Kei naw hteit ne, Ahab ah prophet gui avan cu hleei ne ka m’thein gui khai nei” cik ci. Bawipa naw “Hteit ne ani m’hleei ä, na näng khai nei” cik ci.

1 GHANGPUGHANG GUI 22:6

Ahab naw prophet phia phli cu khü gui ne, ng’shi gui ci, “Kei naw Ramoth cu hteit ne ka tuk vai aw, kä ka tuk vai aw?” Ngami naw, “Na tuk vai nei, Bawipa naw näng nak ning pek khai nei.”

DANIEL 2:8

Cun ung ghangpughang naw, “Ka ngaih ah mäih bä ah nangmi naw a khin nami ng’pyi sak ci nei. A i ah kyasei ci ung kei naw ka m’lung ka k’bäi cu nangmi naw nami hmu pyi ci.

DANIEL 2:16

Daniela cu ang ghit ah ghangpughang ah hteit neta, akhin api a pek vai, cun ung ani naw mang cu k’phlan hning khai ah pyen ci.