DANIEL 2:5 - Cho Bible Common Language 2016

⁵ Ghangpughang naw, “Kei naw ka m’lung ung ka k’bäi pyi ci, nangmi naw ka ng’mang cu nami na m’thein vai, cun ah ng’mang cu k’phlan ne phi nami na m’thein vai. Kä nami pyen hlawt ah a kyak ung, akpit am tawn ah ning kiük gui ne, nami im gui phi m’vut ah kyak khai ah ka cik khai.

DANIEL 2:5 Referans Kwoze

DANIEL 3:29

“Tuhbäi kei naw thumkhän ka bik ci, changpakhui tumat, pahta tumat, khopäng tumt cu, Shadrak, Meshak, Abedneko gui ah Khanpughi kä chang m’sui ne ng’thu a pyen ah a kyak ung, ani cu tu pit pit ne, a im cu phye ne k’bum vai nei. A shin ah ma’ih ah gung hning ciah Khanpughi a hawi kä om ci nei” cik ci.

EZRA 6:11

Kei naw ka thumkhän ba mä cu, chang tumat mat naw shin ah thukhyän kä a läk ah a kyak ung ani ah im ungka ng’lawng tumat mat ng’yuuk ne, amawng vangtäng m’shum neta, ani ah pum cu thawng täih vai nei. Ani ah im cu ng’awt ng’bum ah kyak khai nei.

2 GHANGPUGHANG GUI 10:27

Cun ah kyasei ngami naw lungtung theing gui la Taigüim cu m’di u ne, Taigüim cu eek-im ah lat ci gui — cun cu tuh güt om ci.

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

DANIEL 2:12

Cun ung ghangpughang cu m’lungshe aih neta, Babilon ung m’cumcäi ciah bawi gui ami van, ami ngawn gui vai ah ng’thu k’bäi ci.

SAM 58:7

Ngami cu tui akawi ah mäih ah maih u sä; Ngami cu lam ung m’ghaw ah mäih ah güüt gui u sä.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

THULÄÄN NAK 13:16

Acun ung om ciah chang gui ah khawh avan cu atäng ah nami law püi vai, gawnu ang lung ung nami bum vai. Cun kawn ah gawnu cu nami m’khih vai, acun ungka a päng cu Bawipa nami Khanpughi am douthak ah kyak ci. Cun cu dishum khai ah ngawiyä nawng vai. Api ah phi kä cawh kyan ba vai.

JOSHUA 6:26

Cun yah ung Joshua naw kükyang ciah m’thein nak pe gui ci.” Tuhchü Jerikho mang gaw cawh ba vai ah tha nak ci phung cu Bawipa ah plahtaam nak ah aka ung om khai nei. Angneei co ciah chang phung cu, a hta ng’vaipi chük khai nei; Am kawt co ciah chang phung cu, a hta hmawpi chük khai nei.”

DANIEL 4:9

Belteshazzar, cängbang ci gui ung ang vai pikbäih, Nang ung Khanpughi ah mümcha theing om sei, thuuk kau ci gim cu avan na hmat ci, cicu kei naw ka hmat ci nei. Shin ah ka mang ah amawng cu nang naw na m’thein ä.