DANIEL 2:48 - Cho Bible Common Language 2016

⁴⁸ Cun kawn ah ani naw Daniela am bawimang ak hlüng pi pe ne, am cümhnah nak akda pek ci, Babilon khopäng ung uktu ah tha ne, mang im angvai gui avan ung angvaipi ah tha ci.

DANIEL 2:48 Referans Kwoze

DANIEL 2:6

Cun ung phi ka mang la a cun ah ng’phlan cu nami na m’thein hning ah a kyak ung, nangmi cu ning m’cümhnah gui ne, aktung ah ka ning m’tamkhah gui khai. Tuhbäi cun ah mang la cun ah mang cu k’phlan ne na m’thein law vä” cik ci.

DANIEL 5:11

Na uknak ah khaw ung chang tumat om ci, cun cu mum cha theing naw a om nak ah kyak ci nei. Na pa ghangpughang ah a kyak yah ung, cun ah chang naw, khanpughi gui ungka cüivai nak ah mäih ah kyak ciah nikiom nak, hmuhmat nak la cüivai nak gui cu m’dang ci nei. Ghangpughang Nebukhadnezzar, napa naw, cängbang ci gui, cee gui, tukaih ci gui, kho m’khin ci gui ung ang vaipi ah a tha nei.

DANIEL 4:9

Belteshazzar, cängbang ci gui ung ang vai pikbäih, Nang ung Khanpughi ah mümcha theing om sei, thuuk kau ci gim cu avan na hmat ci, cicu kei naw ka hmat ci nei. Shin ah ka mang ah amawng cu nang naw na m’thein ä.

DANIEL 5:29

Belshazzar naw a chang shäm gui cu ang ghit ah ng’thu k’bäi gui ne, Daniela am mangyih suinu amvo m’sui sak gui ne, m’tam nak ah ghui äh a gawn ung m’awi sak gui ci. Cun kawn ah ani naw uknak khaw ung, ak thum nak ah huham mah khai ah pyang ci.

DANIEL 5:16

Tuhbäi, ng’thup ciah mawng gui nang naw hmu hning ne, thuuk kau ci gui na k’phlan hning ciah kei naw ka ng’yak ci. Nang naw shin ca cu phat hning ne a mawng na na m’thein hning ah a kyak ung, nang cu bawimang suinu amvo ning m’sui ne, m’tam nak ah ghui äh ning m’awi vai, shin ah uknak ah khaw ung ak thum nak huham mah nak phi na gah khai.

DANIEL 3:30

Cun kawn ah ghangpughang naw, Shadrak, Meshak, Abedneko gui cu Babilon khopäng ung ak hlüng pi ah han chaang gui ne tha gui ci.

DANIEL 3:12

Nang naw Babilon khopäng uk khai ah na tha gui — Shadrak, Meshak, Abedneko ni gui cu nang ah thu kä ngai ci gui, ngami naw nang ah khanpughi kä khawihnah ci gui, na ng’lin ah a gup ah ma ah kä kawp ci gui nei” cine pyen ci gui.

DANIEL 3:1

Ghangpughang Nebukhadnezzar naw ghui a gup cu pyang ci, cun cu metre m’ku lei-chih ah hlüng ci, metre thum ah ng’shawng ci, Babilon khopäng Dura khodou ung ami su “m ah kyak ci.

JEREMIAH 5:5

Kei naw huham mah ciah chang gui ah a i ak thäh, ami Bawipa naw a i ami bi vai angyak hlü cu, akcang ah hmat khai gui.” Cun ung phi ngami ami avan naw Bawipa ah huham cu hnungtuk püi u ne, ani ah ng’thu ngaih vai cu mak ci gui.

JOB 1:3

Ani ung htome phya chih kip, kalauk phya thum kip, seipat phya gha la ng’sela phya hma om ci. Anu ung a changshäm phi akda om ci, Ani cu ak kyang täng ung ang bühmang pi ah kyak ci.

2 GHANGPUGHANG GUI 5:1

Naaman cu Siria gabawi ah kyak ci, Siria ghangpughang naw a hlüng ah achang m’sui, am hni ah kyak ci, a i ah kyasei ci ung Bawipa naw Sirian gakap gui am ani ung näng nak a pek gui ah phäh ah kyak ci. Ani cu dämduh ciah gakap ah kyak ci, cun ung phi ani cu kyih vai kyak ciah kheilei ung gaw ci.

2 SAMUEL 19:32

Barzillai cu ang htei ah ghi ci, a khaw kum cheit-kip lawk ci. Ani cu ang htei ah büh mang ci, Mahanaim ung ghangpughang a om yah ung ei vai pe tak ci.

1 SAMUEL 25:2

A cu ah Kaleb pahta ung ka Nabala ming nak ciah chang om ci, ani cu Maon gawnu ungka, karmela gawnu pei ah khawpäng ciah kyak ci. Ani cu a täng ah bühmang ci, htome phia thum kip la me phia gha tak ci. Achu Abigail cu kyom ne lulang ci, cun ung phi ani cu chang sawkshe, m’lungshe ciah chang ah kyak ci. Nabala naw Karmelaa ah a htomu k’teiu ci,

1 SAMUEL 17:25

“Teng tu vä” cine ami mät ng’htau ci gui. “Ani ah gheet taap nak cu ngai vä! Ghangpughang Saul naw ani ngawn ci am dämduh ciah m’cümhnah nak pek khai ah shaitak ci nei. Ghangpughang naw a hta hnumi phi chu na sak khai nei, ani ah pa ah kyong khui ung phlam phi kä lak khai nei” cik ci gui.

KHEI NAK 24:11

Tuhbäi na im ah hteit ba ä, kei naw ka ning m’cümhnah khai ah shai ka tak ci, cun ung phi m’cümhnah nak kä na gah khai ah Bawipa naw ning k’pang ci nei” pyen nak ci.

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

DANIEL 5:7

Ani naw m’lau ne chang tumat am, cäbang ci gui, cee gui la kho m’khin ci gui cu khü sak gui ci. Cun gui gawk law u khäta, ghangpughang naw pyen na gui ci, “Shin ah ca guk phat hning ne, amawng pyen hning ciah chang am, bawimang suinu amvo m’sui ne, m’tam nak ah ghui äh a gawn ung m’awi ne, shin ah uknak khaw ung ak thum nak ah huham mah nak cu pek vai nei” cik ci.

DANIEL 8:27

Kei cu khaw hnüüp akda ung ka m’lung na sei ka gaw pai ci, Cun kawn ah kei cu tho law ne, ghangpughang ah ana bi sak ah bi cu ka bik khai ah ka hteit ci. Cun ung phi muimang ah phäh ah ka m’lung gogan sei, a i phi kä ka hmat hlawt ci.

DANIEL 4:6

Cun ah mang ah mawng na m’thein khai gui ah Babilon ung bawi mang gui avan cu thu khän ne ka khü gui ci.