DANIEL 2:46 - Cho Bible Common Language 2016

⁴⁶ Cun kawn ah ghangpughang Nebukhadnezzar cu m’dek ung ng’boop neta khawihnah nak la douthak nak cu Daniela am ami pek vai ah thu k’bäi ci.

DANIEL 2:46 Referans Kwoze

LAMKTU 14:13

Zeus khobawi ah Taigüim cu pigaw k’pung ah om sei, k’taigü naw pat gup la papai gui cu pigaw m’kawt pei ah law püi ci. Cun ah taigü la chang gui cu ang düihpüi gui ah ma ah vawi k’pet ne taigü hlük ci gui.

LAMKTU 10:25

Peter a luh law vai am Konelius naw a na do ne a kho pei ah m’khuuk dong ne ngok ci.

EZRA 6:10

Acun ah nami bi vai, cun ung ngami naw Kkankhaw Khanpughi naw a dou thei vai ah khawihnah nak cu douthak khai gui. Kei la ka hta gui ah phäh ah ani ah phyuhtheh nak cu ng’yoi thäh khai gui.

THU PHLAAN 22:8

Shin ah a mawng ama gui hmu ng’yak cicu kei Johan ah ka kyak ci nei. Kei naw shin ah a mawng gui ka hmuh ng’yak kawn ah kei cu khankho chang ka khawihnah khai ah a khaw pei ah ka kawp ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

THU PHLAAN 11:16

Khanpughi ah maa ah mangkiaang gui ung ngok ci gui ah a ghaampa m’ku lei-phli naw, Khanpughi cu khawihnah u netah,

LAMKTU 28:6

Ngami naw Paul cu apumsa ng’phling law sei, kyu ne si lawk khai ah ngai ne teng ci gui. Acun ah ak shou ngäng ne teng u sei phi, Paul cu a i ah phi kä kya law khätah, ngami cu ami m’lung thawng sei, “Shin ah chang cu ng’you nu kya ci nei” ci ne kyak ci gui.

LUKA 17:16

Cun kawn ah a kho pei ah m’khuuk doong ne kawp ne, abäkhäk ah mawng cu m’tamkhah ci.

DANIEL 3:5

changpakhui avan, pahta avan, khopäng avan gui aw! nangmi naw pyung puuk gui ah k’aw, pyung lawi, htiing, tingtäng, peen m’hlui gui cu nami ng’yak khai; cun kawn ah ahei tumkhawn gui phi nami ng’yak khai. Cun ah tumkhawn gui ami tün vai am, ghangpughang Nebukhadnezzar naw a pyan ah ghui gup cu m’khuuk dong ne nami khawihnah vai.

DANIEL 3:7

Cun ah tumkhawn gui ami ng’yak vai am, changpakhui pahta gui la khopäng gui ami van naw m’khuk dong u ne, ghangpughang Nebukhadnezzar naw ang lin ah ghui gup cu, khawihnah ci gui.

DANIEL 8:17

Kabriel cu law ne ka pei ah ng’düi sei, kei cu kyih aih neta m’dek ung kyu ne ka ng’yän ci. Ani naw na pyen nak ci, “Chang aw, amawng cu hmat ä, shin ah muimang cu kho ah ng’pyi nak vai ah a mawng ah kyak ci.”