DANIEL 2:45 - Cho Bible Common Language 2016

⁴⁵ Lung nu cu a u naw kä a tawn ah hlit ne kya law ne, m’sii ni, kyei ni, m’deknai ni, ngui ni, ghui ni awn pyan ah a gup cu, shudeng ciah nang naw na hmuk ci. Dämduh ciah Khanpughi naw ngawi ah a i ah kya lawk khai cicu nang ghangpughang am a ning m’thein ah kyak ci. Kei naw nang ah mang akcang cu ka ning m’thein ci, acun ah mawng akcang phi ka ning m’thein ci.

DANIEL 2:45 Referans Kwoze

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

ATÜNNAK 41:32

Leng ba ba ne na ng’mang nak cu, acun ah mawng cu Khanpughi naw m’düng ne, kä shou pha sei ang dang sak vai ah hmawk ah kyak ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

SAM 48:1

Bawipa cu küikyang ci kyasei, a khomhtung theing, mi Khanpughi mang gaw ung ak hlüng tai ah m’taam khah vai nei.

2 SAMUEL 7:22

A i hlawk ah na dämduh ci ang, uktu Bawipa! Nang ah mäih a u kä om ci; keimi naw angtäi sei kami hmat ci, nang bäng Khanpughi ah na kyak ci.

THULÄÄN NAK 10:17

Bawipa nami Khanpughi cu khanpughi avan khüm ci, huham avan uk ciah kyak ci. Ani cu dämduh ci, m’gäi ci, kyih vai ah kyak ci. Ani ung m’khom-hnga nak kä om ci, ani naw ng’mü khawh kä dou ci.

ATÜNNAK 41:28

Cun cu ka ning m’thein ah mäih ah Khanpughi naw a bi law vai cu a ning hmuh sak ah kyak ci.

THU PHLAAN 19:17

Cun kawn ah khohni ung khankho chang tumat ng’düi sei ka hmuk ci. Ani naw khan ah yawng ciah kha gui-am, “Law vä, Khanpughi ah mang ei cu ei law vä!

THU PHLAAN 4:1

Cun kawn ah ka mang ung Khanmawpi ah m’kawt ng’hmawng sei ka hmuk ci.

THU PHLAAN 1:19

Tuhbäi kaa gui la ngawi ah gawk lawk khai gui na hmuh phung avan cu, na guk vai nei.

LUKA 17:20

Pharisee amshah gui naw, “Khanpughi ah uknak kho cu a i yah ung gawk lawk khai ang?” cine Bawipa Jesuh cu ng’shik ci gui. Bawipa Jesuh naw, “Khanpughi ah Uknak kho cu mik awn hmuh vai ah dang ciah kä kyak ci.

MATTHE 24:35

Khankho la khomdek a maih ung phi kei ah thu cu kä maih khai nei.

MATTHE 21:24

Bawipa Jesuh naw, “Kei naw tumat ka ning shi gui khai, Cun cu nami m’hlan ba hning ah a kyak ung shin ah a mawng gui cu, a i m’khüt näng nak awn ka bi ah ka ning m’thein gui khai.

ZEKHARIAH 12:3

Cun ah khin a gawk law ung Jerusalem cu, lung k’song ah ka pyang khai — acun ah lung sawchang ciah chang phung cu geih geep khai. Khomdek khan ung pakhui avan cu ani tuk vai ah ng’chum lawk khai gui.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

DANIEL 2:24

Cun ah kyasei Daniela cu m’cumcäi ciah bawi gui, ngawn gui vai ah ghangpughang naw akbäi sak ah, Arioch ah hteit neta, ani naw, “Sihnak kä pe gui cang ä, kei cu ghangpughang ah na hteh püi ä, kei naw ani ah ng’mang cu k’phlan ne ka m’thein khai nei” cik ci.

SAM 145:3

Bawipa cu dämduh ci kyasei, ak hlüngtai ah m’tamkhah vai nei; a dämduh nak cu kä hmat hlawt yawp vai kyak ci nei.

SAM 135:5

Mi Bawipa cu dämduh ciah kei naw ka hmat ci, khanpughi gui avan ah dämduh pi ci.

SAM 96:4

Bawipa cu dämduh ci kya sei, ak hlüng pi ah m’taam vä; Ani cu khanpughi gui avan ah khan ah m’taam khah vai kyak ci nei.

JOB 36:26

Mikmi naw ani ah dämduh nak cu akbe ah kä mi hmat hlawt ci, Ani ah kho kum cu kä mi khei hlawt ci.

NEHEMIAH 9:32

“O Khanpughi, kami Khanpughi, a i hlawk ah na dämduh ci ang! A i hlawk ah kyih vai kya ne, a i hlawk ah na huham mah ci ang! Na thukhän shaitaak cu nang naw bekhüt ne na k’pang ci nei. Asirian ghanpughang gui naw ami nak shedam nak gui ungka naw, tuhngawi güt ung, a i hlawk ah keimi kami yaica ci ang! Kami ghangpughang gui, kami ng’vai gui, kami taigü gui, prophet gui, kami pupa gui, kami chang gui avan yaica ci gui. A i hlawk ah kami yaica cu na shüm gui ä!

NEHEMIAH 4:14

Kei naw chang gui cu ng’ä ai u sei, ka hmu gui ci, cun ah kyasei kei naw ngami, ami ng’vai gui la ami bawi gui ka pyen nak gui cu, “Mi ga gui kä nami kyih en gui vai, bawi cu a i hlawk ah dämduh ne kyih vai kyak ci cicu nami shüm ba vai nei, Nami chang paw gui, nami htanau gui, nami chu gui la nami im gui ah phäh ah nami tuk vai nei.

1 SHONTÄP NAK 16:25

Bawipa cu dämduh ci kiasei, ak hlüng ah m’hlümtai vai nei, Ani cu Khanpughi gui avan ah ta m’tamkhah pi vai nei.

DANIEL 2:28

Cun ung phi ak thuuk pi m’dang hning ciah khankho Khanpughi om ci nei. Ani naw nang ghangpughang am ngawi ah a i ah kya lawk khai ci cu, ning hmuh sak pyi ci nei. Tubäi kei naw nang na ih yah ung na muimang nak ah ng’mang cu ka ning m’thein khai nei.

DANIEL 2:29

“Nang ghangpughang naw na ih sangung ngawi ah a i ah kya lawk khai cicu na mang nak ci nei; akthuuk pi dang sak ciah Khanpughi naw, a i ah kya lawk khai cicu nang am ning m’hnuh ci nei.

DANIEL 8:25

A i ah kyasei ci ung ani cu thei leh ciah kya ne hleei hlak nak täng ung ani cu näng nak gah ci. Ani cu amät m’ghämce ne a u kä m’cäicat ah chang akda m’di khai. Ani naw ghangpughang avan ung dämduh pi ci phi küknet püi khai, Cun ung phi ani cu chang ah huham awn kä kyak ci awn m’di nak gah khai.

ATÜNNAK 41:26

Vantang akplan chih cu khokum chih, htang vui angtak chih cun phi khokum chih ah kyak ci, cun goi cu täng ci goi.

SAM 2:9

Nang naw ngami cu, m’si hteipawng awn uk gui ne; M’dek am gep ciah mäih ah na m’shet gui khai.”

HAKKAI 2:22

uknak khaw gui avan lat ne, ami huham ka ng’pyi sak khai. Ng’hlee gui la kaih ci gui ka lat gui khai, ami ng’se gui sik khai gui, ng’cuum ci gui ng’ngawn tuk khai gui.