DANIEL 2:44 - Cho Bible Common Language 2016

⁴⁴ Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

DANIEL 2:44 Referans Kwoze

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

SAM 145:13

Na uknak cu ng’täi ci, kho ng’län ung ghangpughang ah na kyak ci. Bawipa cu a shaitak ung bekhüt ci; a hnünthawh nak phung ung chimgein nak om ci.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

MIKHAH 4:7

Ngami cu ng’khem u ne im awn ng’shawng ci gui, cun ung phi ami k’pawih nak gui cu kei naw akthai ah ka tün ba sak gui khai. Ngami cu pakhui küi ah kya ba khai gui, Kei naw ngami cu Zion m’htung ungka naw khonglän ung ka uk gui khai.”

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.

ISAIAH 60:12

Cun ung phi, nangmi ah bi kä bik ciah chang pakhui gui cu, ng’pyi khai gui ah m’di gui khai nei.

DANIEL 4:3

“Khanpughi naw a na m’dang ah cäicat gui vai cu dämduh aih ci nei! Ani naw am dang ah ca’i aih vai gui cu huham mah ci nei! Khanpughi cu ghangpughang ah kya ci, ani naw khonglän ung uk khai nei!

DANIEL 2:37

Ka ghangpughang, nang cu ghangpughang gui avan ung na dämduh pikbäih ci nei. Khanpughi naw nang cu Uktubawi ah nin pyang ci, huham, m’gäi nak la m’tamkhah nak ning pek ci.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

DANIEL 2:28

Cun ung phi ak thuuk pi m’dang hning ciah khankho Khanpughi om ci nei. Ani naw nang ghangpughang am ngawi ah a i ah kya lawk khai ci cu, ning hmuh sak pyi ci nei. Tubäi kei naw nang na ih yah ung na muimang nak ah ng’mang cu ka ning m’thein khai nei.

EZEKIEL 37:25

Ngami cu kei naw ka changshäm Jakob am ka pek ah khaw ung om khai gui, cun cu ami pupa gui ah om nak ah khaw ah kyak ci. Ngami cu acu ah khong län ung om khai gui, ami hta nau gui la ami htangshon gui phi om khai gui. Ka changshäm David ghangpughang ah mäih ghangpughang naw ang’täi ah uk gui khai.

JOHAN 12:34

Chang gui naw, “Keimi ah thukhän ung, Messiah cu angtäi ah ghing khai, ciah om ci; chang A Htapa cu m’dek ungka han k’phäi nak gah khai, na cicu a i ang? chang ah Htapa cu a u ang?” cine ng’shik ci gui.

DANIEL 8:25

A i ah kyasei ci ung ani cu thei leh ciah kya ne hleei hlak nak täng ung ani cu näng nak gah ci. Ani cu amät m’ghämce ne a u kä m’cäicat ah chang akda m’di khai. Ani naw ghangpughang avan ung dämduh pi ci phi küknet püi khai, Cun ung phi ani cu chang ah huham awn kä kyak ci awn m’di nak gah khai.

DANIEL 2:34

Nang naw cun cu na teng sangung lung akdäm nu cu a u naw kä a tawn ah hlit ne kya law ne, m’sii la ng’nai awn pyan ah agup ah khaw cu kyak ne ci hnget ci.

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

DANIEL 2:35

Ang ghit ah m’sii ni, m’deknai ni, kyei ni, ngui ni, ghui ni gui cu, khui ne ng’pyäih ne, cha-khaw ah htang leh nak ung m’vut khui ah mäih ah kyak ci gui nei. Khokhi naw cun gui avan cu yon yawp sei, api phi kä pawih ba ci. Cun ung phi lung nu cu däm law ne, khomhtung nu ah kya law ne khomdek khan avan cu küm ci.

DANIEL 2:43

M “sii cu m’dek awn ng’caw ci, cun phi nang naw na hmuk ci. Cun cu a i ang ci ung, khaw uktu gui naw ami kyong khui chang gui cu, ami ma’t chungla sak gui ne kawng a “t nak bik khai gui. Cun ung phi m’sii la m’deknai k’caw ne kä gah ah mäih ah ngami cu kyak khai gui.

HAKKAI 2:7

changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.

2 SAMUEL 7:13

Ani cu kei ah phäh ah pum im co ciah chang tumat ah kyak khai, ani ah uknak khaw cu ng’täi ne om khai ah kei naw akcang ah ka pyang khai.

2 SAMUEL 7:16

Nang ung angtäi sei na hta ng’shon om khai, nang ah uknak khaw cu kä ng’pyi hlawt khai ah kei naw ka pyang khai. Nang ah uknak ng’shon cu kä ng’pyi hlawt khai!” cik ci.

DANIEL 6:27

Ani naw hun ci, gung ci nei; Ani naw cäicat gui vai la cäi aih gui vai cu khankho la khomdek ung dang sak ci nei. Ani naw Daniela cu phongkawng gui naw ami lawh vai süte hun ci nei.”

HAKKAI 2:22

uknak khaw gui avan lat ne, ami huham ka ng’pyi sak khai. Ng’hlee gui la kaih ci gui ka lat gui khai, ami ng’se gui sik khai gui, ng’cuum ci gui ng’ngawn tuk khai gui.