DANIEL 2:4 - Cho Bible Common Language 2016

⁴ Ngami naw Aramaik ng’thu awn m’shang u ne, “Kami ghangpughang aw, ghi ne ghing ä Na mang cu na m’thein gui ä Ka mi ning k’phlan pek khai nei” cik ci gui.

DANIEL 2:4 Referans Kwoze

DANIEL 5:10

Ghangpughang nu naw ghangpughang la bawi ng’vai gui ah ami ng’htau cu ng’ya neta, ei awk nak ah kyong ah lut lawk ci. Ani naw, “Ghangpughang ghi ne ghing ä! Cun aih ah na m’lung kä thüi aih sä, kä cäi ä aih ä.

DANIEL 3:9

Ngami naw ghangpughang Nebukhadnezzar ah ma ah, “Mi ghangpughang cu ghi ne ghing sa!

EZRA 4:7

Persia ghangpughang Artaxerxes ah uk sangung phi, Bishlam, mithredoth, talbeela la ngami thawi gui ci gui naw ghangpughang am ca gu ne pek ci gui. Ca cu Aramaik ca awn guk ah kyasei, k’phlan ne phat vai kyak ci.

ISAIAH 36:11

Eliakim, shebna la Joah ni naw a cun ah bawi am, “Aramaik thu awn ng’htau vä. Keimi naw kami hmat ci nei. Hebru thu ah kä ng’thu vä; vongpang khan ah om ciah chang avan naw ngai ci gui nei” cik ci gui.

DANIEL 6:21

Daniela naw m’shang ne, “Ghangpughang ghi ne ghing ä!

DANIEL 6:6

Ngami naw ghangpughang ah hteit u neta ami pyen cu, “Ghangpughang Darius, nang cu khonglän ung ghing ä!

1 GHANGPUGHANG GUI 1:31

Bathsheba naw m’khukdong neta, “Ka bawipa ghangpughang cu angtäi ah ghing ne om sä! cik ci.

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

DANIEL 5:8

Bawi ng’vai gui cu lawk ci gui, cun ung phi a u naw phi cun ah ca guk cu kä phat hning ci, amawng phi ghangpughang am kä m’thein hning ci.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

DANIEL 4:7

Cängbang ci gui, cee gui, tukaih ci gui, kho m’khin thei ci gui, ami van law püi gui u sei, kei naw ka mang cu ka m’thein gui ci. Cun ung phi cun ah mawng cu ngami naw kä na m’thein hning ci gui.

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

NEHEMIAH 2:3

Ka m’shan cu, “Ka bawimang aw, khaw ng’län ung ghing ä! Kei naw ka hmai kä m’kyum ne a i hawkcha ka on hlawt khai aw? Ka pupa gui ah ng’phuh nak ah mang gaw cu she ne di ci, m’kawt gui phi mei naw ui ne m’di ci nei.

1 GHANGPUGHANG GUI 1:25

Tuhngawi ani hteit ne seipat gui, htome gui la sei akplan hta gui awn khawihnah ne douthak ci nei. Ani naw na hta gui avan, na gakapbawi Joab la taigü Abiatha cu khü gui ci, tuhbäi chü ngami cu akshaw ghing sä!” cine m’lau ci gui nei.

1 SAMUEL 10:24

Samuel naw chang gui am “Shin ah chang cu Bawipa naw a ghü nei! Ani ah mäih mikmi ung a u kä om ci nei” cik ci. Chang avan naw m’lau ne, “Ghangpughang ghi ne ghing sä” cik ci gui.

ATÜNNAK 41:8

Ghangpughang cu ang’ä ai neta, a ngawi ung kho ngawi, puikaih gui la chang vai gui cu khü gui ne, ang mang cu m’thein gui ci. Cun ung phi a u naw kä k’phlan thei ci.

ATÜNNAK 31:47

Laban naw cun ah lung pum cu Jekar Sahadutha ah aming sui sei, Jakob naw Kaleed ah sui ci.

2 GHANGPUGHANG GUI 18:26

Eliakim, Sheba la Joah naw cun ah bawi am, “Saya, Hebrew ng’thu awn kä ng’thu ä, Aramaik ng’thu awn na ng’thu püi gui ä, cun ung keimi naw kami hmat khai, k’paang ah khan ah om ciah chang gui avan naw ngai ci gui nei” cik ci gui.

DANIEL 1:4

Cun gui cu kyom sang khai gui, hmuhmat khai gui, cüivai khai gui, ng’thei thang hning khai gui, ami pumsa ung pyen vai kä om khai, cun ah kyasei cun gui cu ghangpughang ah im ung bii bi hning khai gui. Ashpenaz naw cun gui cu Babilonian ca gui thei, phat thei khai gui ah am thei gui vai ah phi kyak ci.

DANIEL 2:7

Ngami naw ghangpughang cu pyen na bamä ci gui, “Na mang bäng na na m’thein gui ah a kyak ung ka mi phlan hning khai nei” cik ci gui.

DANIEL 4:9

Belteshazzar, cängbang ci gui ung ang vai pikbäih, Nang ung Khanpughi ah mümcha theing om sei, thuuk kau ci gim cu avan na hmat ci, cicu kei naw ka hmat ci nei. Shin ah ka mang ah amawng cu nang naw na m’thein ä.

DANIEL 6:7

Nang ah khaw ung kami tängpang ciah keimi kami van tängpang ng’vai gui, uktu ng’vai gui, uktu hmawba gui la ahei bawi gui naw kami yum cu — nang ghangpughang naw thumkhän k’bäi ne ang ceet ah na läk sak gui vai. Hnüüp thum kip ah kyong ung a u chang naw phi, nang ghangpughang ah kawn ung, a i khanpughi ah phi, a i chang ah phi kä a taigü en vai ah ng’thu na k’bäi vai nei. Cun ah thumkhän m’shet ciah chang cu phongkawng awn be ciah khui ung yuk shum vai nei.