DANIEL 2:39 - Cho Bible Common Language 2016

³⁹ Nang ah kawn ah ghangpughang ahei om lawk khai, ani cu nang hlawk ah kä dämduh khai, cun kawn ah ak thum nak ah kyei uktubawi om lawk khai, ani naw m’dek khan avan uk khai.

DANIEL 2:39 Referans Kwoze

DANIEL 2:32

Cun ah alu cu ghui aknipi awn pyan ah kyak ci, ang kyang la a ban cu ngui awn pyan ah kyak ci, a poi la a phei gui cu kyei awn pyan ah kyak ci;

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

DANIEL 10:20

Ani naw pyen ci, “Kei a i ah kyasei nang ah ka law cu na hmat naw? Düng ciah ca-uk ung ami guk cu nang ung m’than vai ah kyak ci nei. Tuhbäi kei naw hteit ba ne Persian ngäng ciah khanchang cu ka tuk khai nei. Cun kawn ah Kreece ngäng ciah khanchang cu dang lawk khai nei. Michaela, Israel gui ngäng ciah khanchang ah kawn ah kei na m’htei ci a u kä om khai nei.

DANIEL 8:20

“Nang naw na hmuh ah hnih ki nak ciah htome hla ci cu, Media la Persia uknak khaw hnih ah kyak ci.

ZEKHARIAH 6:6

Ng’se ale naw a kaih ah yatha cu Babilonia a siiptäng ah hteit ci, abawk naw a kaih cu ak kheitäng ah hteit ci, a pyawk gui ah kaih cu a htumtäng khaw ah hteit ci gui.

ZEKHARIAH 6:3

Ak thum nak cu ng’se abawk naw kaih ci, ak phli nak cu ng’se a pyawk naw kaih ci.

DANIEL 7:23

Shin cu kei naw ka pek ah m’thein nak ah kyak ci: ak phli nak khiküi cu khomdek khan ung om lawk khai ah ak phli nak ah uknak khaw ah kyak ci, ani cu ahei gui avan awn kä täng tuk ci. Acun naw khomdek khan avan dep ne kai nak khai.

DANIEL 2:38

Ani naw nang cu m’dek khan avan uktu la khisa gui la kha gui uktu ah ning pyang ci, nang cu ghui lupum ah na kyak ci.

DANIEL 2:40

Cun kawn ah ak phli nak ah Uktubawi om lawk khai, ani naw m’sii ah mäih ah khüighaat ne apäng avan cu hnget sak yawp khai. Ani naw ana om ma ciah uktubawi avan cu dep ne güt gui khai.

DANIEL 8:21

Me ci cu, Kreece uknak khaw ah kya ne, mik goi ah ng’lak ung a ki cu a htük ah ghangpughang ah kyak ci.