DANIEL 2:37 - Cho Bible Common Language 2016

³⁷ Ka ghangpughang, nang cu ghangpughang gui avan ung na dämduh pikbäih ci nei. Khanpughi naw nang cu Uktubawi ah nin pyang ci, huham, m’gäi nak la m’tamkhah nak ning pek ci.

DANIEL 2:37 Referans Kwoze

EZEKIEL 26:7

Uktu Bawipa naw pyen cu, “Kei naw avan ung ak dämduh pikbäih ah ghangpughang ka law püi khai — cun cu Babilonia ghangpughang Nebukhadnezzar — ani naw Tire cu tuk khai. Ani cu a siiptäng ah ka gakap akdäm awn lawk khai, ng’se gui, yatha gui la ng’se cuum ci gui.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

ISAIAH 47:5

Bawipa naw Babilon cu pyen nak ci, “Adüm ah a hmüp nak ung ngo ä; Ngami naw pakhui gui ah ghangpughang nu ah kä ning khü ba khai gui nei?

SAM 62:11

Hnü ät bäng ah kä kyak ciah ka ng’yak cu, Khanpughi naw, “Huham cu ani ah ka ah kyak ci.”

EZRA 7:12

“Artaxerxes ghangpughang naw Ezra taigü, Khankho Khanpughi ah thukhän ung cüvai ci am a pek,

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

THU PHLAAN 5:12

m’lau ne ng’äi ami m’cu cu; “Ami ngawn ah htomehta cu, Hlüngtai nak, bühmang nak, cüivai nak, khüighaat nak, Chang m’sui nak, bäkhäk nak, la m’kümtou nak, gui cu gah khai ah khin khaa ci nei” ciah kyak ci.

THU PHLAAN 4:11

“Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

JOHAN 19:11

Bawipa Jesuh naw, “Kei ah khan ah cun ah na bi nak hning vai cu, Khanpughi ah ning peit ah kyak ci. Nang ah kut ung kei na ap lawk ciah chang cu a katnak däm pi ci” cine pyen nak ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

HOSEA 8:10

Cun ung phi tuhbäi kei naw hteit ne k’bum gui ne ka m’kyuk gui khai. Kä shou pha sei ngami cu Assiria uktu bawi ah shedam nak gah lawk khai gui. Ngami cu ng’hleei lawk khai gui.

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.

DANIEL 4:32

Nang cu chang hmu ungka ka ning k’täm pyi ci nei. Khisa gui awn atäng ah om ne, khokum chih ung seipat ah mäih ah khu na ei vai nei. Cun kawn ah nang naw na ng’kyaa vai cu, hlüngtai ciah Khanpughi ung hnicim chang ah uknak khaw ah khan ah a huham cu om ci nei, cun cu ani naw a ghü ah chang am pe hning ci nei.”

DANIEL 4:25

Nang cu hnicim chang ungka ning täm khai gui, khisa gui awn ata’ng ah nami om khai. Nang cu khokum chih ung seipat ah mäih ah khumghaw na ei khai. Kho häu ung na ip khai, khüi naw ning book shi khai. Cun kawn ah hlüngtai ciah Khanpughi naw hnicim chang ah uknak khaw avan k’pang ne, a ghü ah chang am pe hning ci, cicu nang naw na ng’kyaa khai.

DANIEL 4:3

“Khanpughi naw a na m’dang ah cäicat gui vai cu dämduh aih ci nei! Ani naw am dang ah ca’i aih vai gui cu huham mah ci nei! Khanpughi cu ghangpughang ah kya ci, ani naw khonglän ung uk khai nei!

JEREMIAH 28:14

M’gäi ciah Bawipa, Israel khanpughi avan ah khan ah taih khai, Cun ung ngami naw Babilonia Ghangpughang Nebukhadnezzar ah bii bik khai gui. Bawipa naw pyen ci, khisa gui naw phi Nebukhadnezzar ah bii bik khai gui.”

ISAIAH 10:8

Ani naw khähghah ne, “Kei ah ka gabawi päng cu ghangpughang ah kyak ci nei!

NG'THU K'THUUK~ 8:15

Ghangpughang gui naw ami uk vai, Uktu gui naw thukhän akni ami pyan vai ah kei naw ka m’htei gui ci.

2 SHONTÄP NAK 36:23

“Shin cu Persia uktubawi Sairus ah Thumkhän ah kyak ci. Bawipa Khankho ah Khanpughi naw khomdek khan avan uktu ah na pyang ci, ani naw, ani ah hmawk ah Jerusalem Judah khaw ung Taigüim cawh vai ah na täk ci nei. Tuhbäi, Khanpughi ah chang gui avan a cu ah hteit vä, Bawipa nami Khanpughi naw ning om püi gui khai nei.”

1 GHANGPUGHANG GUI 4:24

Solomon naw Tuinu Euphratis akhei täng khaw avan, Tiphsah Euphratis ah khan ungka naw akhei täng Kaza mang gaw ung khüt sei uk ci. Euphratis akhei täng ung ghangpughang gui ami van cu ani ah ka ung lawk ci gui, ani cu a pei leng ung khawpäng gui ami van awn dimdeeih nak bik ci gui.

THU PHLAAN 19:16

Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.

2 GHANGPUGHANG GUI 25:28

Evilmerodak naw ani cu akni ah om püi ci, ani naw Babilonia ung a om püi gui ah a hei omptu ghangpughang gui ah ta, däm pi ciah m’tamkhah nak cu pek ci.

JEREMIAH 34:1

Bawipa naw kei na ng’thu püi ci, cun cu Babilonia ghangpughang la agakap gui, changpakhui avan la pakhui gui ah gakap gui naw ng’düih püi u sei Jerusalem la a pei yung ah gawnu gui ami tuk law sanung ah kyak ci.

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

DANIEL 7:14

Ani cu huham nak, m’tamkhah nak la bawimang nak huham ami pek ah kyak ci. Cun ah kyasei changpakhui gui, pahta gui, pa ng’tän gui avan naw a bi bik ci gui. Ani ah huham cu kä ng’pyi hlawt khai, ani ah uknak khaw cu kä maih hlawt khai.

DANIEL 2:31

Ka ghangpughang aw, nang ah na ih mang ung teng ung, kyih vai ah kya ne pyü ne ng’shü ciah agup nu cu na ma ah ng’düi sei na hmuk ciah kyak ci nei.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.