DANIEL 2:35 - Cho Bible Common Language 2016

³⁵ Ang ghit ah m’sii ni, m’deknai ni, kyei ni, ngui ni, ghui ni gui cu, khui ne ng’pyäih ne, cha-khaw ah htang leh nak ung m’vut khui ah mäih ah kyak ci gui nei. Khokhi naw cun gui avan cu yon yawp sei, api phi kä pawih ba ci. Cun ung phi lung nu cu däm law ne, khomhtung nu ah kya law ne khomdek khan avan cu küm ci.

DANIEL 2:35 Referans Kwoze

SAM 37:10

Changshe cu a tuhbäi maih khai, a u naw shui ne kä hmu ba khai;

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

HOSEA 13:3

Cun ah chang gui cu khongawi ah khüi toi ah mäih ah, khongawi hta ung maih ciah k’daam tui ah mäih ah maih khai gui nei. Ngami cu htang m’hai hmun ung khokhi naw ayon ah htang shi ah mäih, meikhu m’kawt ung meikhu ah mäih ah kyak khai gui nei.

ISAIAH 11:9

Zion ah khan, khanpughi ah m’htung theing ung, nat nak la akshe a i pi kä om khai. Tuinu cu tui awn abe ah mäih ah khaw cu Bawipa ah hmuh hmat nak awn be khai.

THU PHLAAN 12:8

Cun ung phi shawk la ak khanchang gui cu m’khüt gui u sei, khankho ah kä om tuba ci gui.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

1 KORIN 15:25

Khanpughi naw gaa gui avan tu ne m’shiu ne, a kho kaa ah a gawk sak ung khüt sei Bawi Khrih naw a van uk khai.

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

SAM 103:16

Cun cu kho naw akhi ung ng’kawn ne maih sei — a u naw kä hmu ba ci.

SAM 86:9

Na tüisho ah pakhui avan naw law u ne, ning khawihnah lawk khai gui nei, na ng’ghawtai nak cu ngami naw m’taam khai gui nei.

SAM 66:4

M’dek khanchang nü naw ning khawihnah ci; Ngami naw ng’äi m’cu ne ning taam ci gui, ngami naw ng’äi m’cu ne na ming m’taam ci gui.”

SAM 46:9

Ani naw m’dek khan ung ng’tuk nak avan düm sak ci, ani naw li gui cheiuh ne, k’htei gui m’di ne, shawi gui mei ung m’khih ci.

SAM 37:36

Cun ung phi ani ka phlän kawn ah, ani cu ah kä om tu ba ci; kei naw shui ba ne phi kä ka hmu ba ci.

SAM 22:27

Chang avan naw Bawipa cu shüm khai gui. Khaw cawi päng ah ka, ani ah ng’hlat lawk khai gui; Chang pakhui avan naw khawihnah khai gui.

JOB 6:17

Cun ung phi kho ang ling law ung maih yawp ci gui cun ung phi tuihta cu ket ne chawng ci.

ISAIAH 8:9

Nangmi chang pakhui gui, kyi kyawk ne ng’bum law vä! Asho nak ah khaw ung ka gui, ngai vä. Ng’tuk ge vai ah om vä, cun ung phi nami kyih vai nei! Ä, ng’tuk ge vai ah om vä, cun ung phi nami kyih vai nei!

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

ZEKHARIAH 12:3

Cun ah khin a gawk law ung Jerusalem cu, lung k’song ah ka pyang khai — acun ah lung sawchang ciah chang phung cu geih geep khai. Khomdek khan ung pakhui avan cu ani tuk vai ah ng’chum lawk khai gui.