DANIEL 2:31 - Cho Bible Common Language 2016

³¹ Ka ghangpughang aw, nang ah na ih mang ung teng ung, kyih vai ah kya ne pyü ne ng’shü ciah agup nu cu na ma ah ng’düi sei na hmuk ciah kyak ci nei.

DANIEL 2:31 Referans Kwoze

HABAKKUK 1:7

Ngami cu kyikyawk ne püigai u ne, chang ah ami ng’shei nak naw ami mät m’khoicha gui ci nei.

EZEKIEL 28:7

Kei naw m’gein nak kä om ciah chang gui cu ning tuk khai gui ah ka law püi gui khai. Na m’khüt nak la na cüivai nak awn na m’cun ah akiom gui avan cu ngami naw m’di khai gui.

ISAIAH 13:11

Bawipa naw pyen ci, “Kei naw m’dek khan ung leigai ka law püi khai, changshe gui ami van ami katnak ah phäh ah m’kyuk gui vai. Chang ah ng’shei ci pang kei naw ka yung neim sak khai, m’gäi m’cik ciah chang pang cu ka m’kyuk khai.

LUKA 4:5

Akhnih vei nak ah khoshe naw, Bawipa Jesuh cu chaang ne, khomdek khan ung Bawimang uknak avan cu m’hnuh netah;

MATTHE 4:8

Cu kawn ah khoshe naw Bawipa Jesuh cu, hlüngtai pibäih ciah khohtung khan ah hteh püi ne, khomdek khan ah chang ah uknak kho avan la ami bämang nak avan cu m’hnuh netah,

DANIEL 3:1

Ghangpughang Nebukhadnezzar naw ghui a gup cu pyang ci, cun cu metre m’ku lei-chih ah hlüng ci, metre thum ah ng’shawng ci, Babilon khopäng Dura khodou ung ami su “m ah kyak ci.

DANIEL 4:36

“Kei ung ng’shüm nak a gawk law ba kawn ah, ka m’tamkhah nak, ka bawimang nak, ka bämang nak, la uknak khaw cu na pe ba ci. Ka bawi gui la ka chang vai gui naw na dou chang ci gui. Ayanä ah ta dämduh pi ciah m’tamkhah nak awn, ka bawimang huham cu na pe ba ci.

DANIEL 2:36

“Shin cu ng’mang ah kyak ci. Ghangpughang naw, tuhbäi acun ah mawng cu ka ning m’thein khai nei.

DANIEL 2:37

Ka ghangpughang, nang cu ghangpughang gui avan ung na dämduh pikbäih ci nei. Khanpughi naw nang cu Uktubawi ah nin pyang ci, huham, m’gäi nak la m’tamkhah nak ning pek ci.