DANIEL 2:28 - Cho Bible Common Language 2016

²⁸ Cun ung phi ak thuuk pi m’dang hning ciah khankho Khanpughi om ci nei. Ani naw nang ghangpughang am ngawi ah a i ah kya lawk khai ci cu, ning hmuh sak pyi ci nei. Tubäi kei naw nang na ih yah ung na muimang nak ah ng’mang cu ka ning m’thein khai nei.

DANIEL 2:28 Referans Kwoze

ATÜNNAK 40:8

Ngani naw, “Keini kani mang shek ci, cun ah mang k’phlan khai shin ung a u kä om ci nei” cik ci goi. Joseph naw, “Ng’mang cu cüivai nak pek ciah Khanpughi naw vah phlan hning ci, nani mang cu na m’thein ä” cik ci.

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.

DANIEL 10:14

Nang ah na chang gui ung ngawi ah a i ah kya lawk khai ci cu, kei naw law ne ka ning hmuhmat sak ci nei. Shin cu ngawi ah kya lawk khai ah mawng muimang ah kyak ci.”

DANIEL 2:22

Ani naw thuuk ci la ng’thup ci gui cu dang sak ci nei; Ani naw hmüp khui ung ng’thup cicu hmat ci nei, ani amät cu akdei naw ng’vong ci nei.

ATÜNNAK 49:1

Jakob naw a hta gui cu khü gui neta, “Ka pei ah law vä, nangmi ah khan ah ngawi ah a i ah kya lawk khai cicu ka ning m’thein gui khai:

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

ATÜNNAK 41:16

Joseph naw, “Uk ciah bawi aw, kei a i kä ka hmat ci nei, Khanpughi naw akni pi ah k’phlan khai nei” cik ci.

2 PETER 3:3

Ak htük ah, ak hnubäih hnüüp ung, amät ah ng’yak hlü düt ah ghing ciah chang gui dang lawk khai ci cu, nami hmat vai nei. Ngami naw nangmi cu ning gaih m’gin gui ne,

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

DANIEL 4:5

Cun ung phi ka ih sangung kyihkyawk vai ah ka ng’mang she sei, cäi ng’ä vai ah muimang ka hmuk ci.

DANIEL 2:18

Ani naw, “Khankho Khanpughi naw ana m’thein gui vai ah mi taigü khai, cun ah thuuk ciah ng’mang cu k’phlan ne ana m’thein gui vai ah mi thäh khai. Cun ung Babilon ung m’cumcäi ciah bawi gui awn atäng ah kä na ngawn tu gui khai gui nei” cik ci.

SAM 115:3

Kami Khanpughi cu khankho ah om ci; Ani naw ang yak hlü phung bik ci.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

DANIEL 2:47

Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”

EZEKIEL 38:16

Nang naw ka chang gui Israel gui cu püikhokhi ne khaw ung anglam ah mäih ah na tu lawk khai. Cun khin a gawk law ung, kei a u cicu changpakhui gui am m’dang nak vai la nang ung ka bi awn kei ah ka theingcim nak cu m’dang nak vai ah, kei naw nang cu ka khaw na tuk khai ah ka ning tüi khai.

THULÄÄN NAK 31:19

“Tuhbäi shin ah ng’äi na guk vai. Shin cu Israel chang gui na m’thein gui vai, cun ung shin cu ngami hnu ng’tuk püi gui ciah saksi ah ng’düi khai.

THULÄÄN NAK 4:30

Nangmi khüikha nak ung nami gawk law ung, cun gui avan nami khan ah a gawk law ung, ak hnu ah nangmi cu Bawipa ung ng’hlat law ba ne, nami läk khai nei.

2 TIMOTHI 3:1

Ak hnubäih ah hnüüp gui cu ang cet khengkheng ah kya lawk khai ci cu nami hmat vai nei.

EZEKIEL 38:8

Khokum akda alüng kawn kei naw ani cu thukbäi ne khopäng tumat ka tuk sak khai. Acun ung changpakhui akda ungka chang gui cu atäng ah law püi ba gui ung, ngami cu ng’tuk kä kyih ne acun ung om ci gui. Ani naw ak shounu shiu ne bung ci, cungphi chang gui ami van phyawng ne ami om nak ah Israel khomhtung gui cu ani naw tuk khai.

JEREMIAH 48:47

Cun ung phi lawk khai ah hnüüp gui ung Bawipa naw Moab cu bühmang ba sak khai nei. Shin gui avan cu Moab ah khan ah kya lawk khai gui Bawipa naw a pyen ah kyak ci.

KHEI NAK 24:14

Balaam naw Balak am, “Tuhbäi kei ka mät ah chang gui ah ka hteit ba khai. Cun ung phi kä ka hteh ba pha ung Israel chang gui naw na chang gui ah khan ah ngawi ah a i bik lawk khai gui cicu ka ning khän tam shüt khai” cik ci.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

ATÜNNAK 41:25

Joseph naw ghangpughang am, “Na mang goi hnih cu a mawng täng ci, Khanpughi naw a i a bi law vai a ning m’thein ah kyak ci.

JEREMIAH 10:7

A u naw kä ning m’tamkhah ne om hlawt khai aw, pakhui avan ah ghangpughang aw? Nang cu m’tamkhah vai ah na khinkha ci nei. Chang pakhui gui, cüivai ci gui avan ung phi kia, ami ghangpughang gui ung phi kia, nang ah mäih tumat phi kä om ci nei.

EZEKIEL 28:3

Nang naw Deniela ah mä na cüivai tuba ciah na ngai ci, nang ung a i kä m’zih vai ah na ngai ci.

DANIEL 1:20

Ghangpughang naw a i ah mawng ang shi gui ung phi, a i cheishoh nak a thawh law ung phi, shin ah chang phli naw, a uknak kho avan ung om ciah, ng’cängbang ci gui, cecai ci gui ah ta agha vai ah hmuhmat law pi ci gui.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

DANIEL 2:45

Lung nu cu a u naw kä a tawn ah hlit ne kya law ne, m’sii ni, kyei ni, m’deknai ni, ngui ni, ghui ni awn pyan ah a gup cu, shudeng ciah nang naw na hmuk ci. Dämduh ciah Khanpughi naw ngawi ah a i ah kya lawk khai cicu nang ghangpughang am a ning m’thein ah kyak ci. Kei naw nang ah mang akcang cu ka ning m’thein ci, acun ah mawng akcang phi ka ning m’thein ci.