DANIEL 2:23 - Cho Bible Common Language 2016

²³ Ka pupa gui ah Khanpughi aw, ning m’hlüngtai ne ka ning tamkhah ci nei, Nang naw cüivai nak la thagui na na pek ci; Nang naw ka taigü na m’shang ne ghangpughang am a i cha ah m’thein vai cu na na m’hmuh gui ci nei.”

DANIEL 2:23 Referans Kwoze

DANIEL 2:18

Ani naw, “Khankho Khanpughi naw ana m’thein gui vai ah mi taigü khai, cun ah thuuk ciah ng’mang cu k’phlan ne ana m’thein gui vai ah mi thäh khai. Cun ung Babilon ung m’cumcäi ciah bawi gui awn atäng ah kä na ngawn tu gui khai gui nei” cik ci.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

LUKA 10:21

Cun yah ung Bawipa Jesuh cu Mumcha Theing awn yeikyai nak gah netah, “Khankho la khomdek ah Pa Khanpughi, hmuhmat tatlah ci gui ah ma ah, nam yih cu kä hmuhmat ci gui ah ma ah ng’dang sei ka ning m’hlüngtai ci. Aw Kapacun cu na mät ah ng’yak hlü ah kyak ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

SAM 50:14

Yeikyai ne ghu tha nak cu Khanpughi am pe vä, Nami shaitak om ciah mäih ah hlüngtai pi cu khawihnah vä.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

THU PHLAAN 5:5

Cun kawn ah aghaampa gui ungka tumat naw, “Kä kyap ne teng ä, Judah pakhui ungka phongkawng ah mäih ah kyak ciah David ah hta ng’shon cu näng nak gah pyi ci nei, ani naw m’hnüt nak chih cu khawk ne, ca k’chaw cu k’phian hning ci nei,” cine pyein ci.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

JOHAN 11:41

Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei;

THUSHÄUTU 9:18

Cüivai nak naw likhim ah ta bä pi ci akni bi thei ci, cun ung phi hmakat ciah chang tumat naw ani nak akda m’di hning ci.

THUSHÄUTU 7:19

Uktu chang gha naw mang gaw tumat ah phäh ah ami bi hning ah ta, cüivai nak naw chang tumat phäh ah bi hning pi ci.

NG'THU K'THUUK~ 24:5

Cüivai nak cu thagui ah gai nak ah ta bä pi ci. Hmuhmat nak cu tha ghat nak ah k’tha ghaat nak ah ta küikyang pi ci.

NG'THU K'THUUK~ 21:22

Ng’ghiin ciah gabawi naw gai pi ciah chang gui naw ami ngäng ah mang gaw cu näng ci. Ami ngaih u ah paang cu m’di ci.

NG'THU K'THUUK~ 8:14

Kei naw ng’bü nak pyang ne a cun cu ka bik ci. Kei ung hmuhmat nak om ci, kei ka khüighat ci.

2 SHONTÄP NAK 20:6

m’lau ne taigü ci, “O Bawipa kami pupa gui ah Khanpughi, nang naw khankho ah ngo ne, khomdek khan ung changpakhui avan cu na uk ci. Nang cu huham mah ne, na m’gäi ci kyasei a u naw kä ning hnungtuk püi hlawt ci.

1 SHONTÄP NAK 29:13

Tuhbäi, kami Khanpughi, nang ning yei na u ne, bämang ciah na ng’ming cu kami m’tam ci.

1 SHONTÄP NAK 29:10

Acu ah changhli ah ma ah David ghangpughang naw Bawipa m’hlüngtai ci. Ani naw, “Bawipa, kami pupa Jakob ah Khanpughi, nang ah khan ah khonglä ung m’htüngtai nak om sä!

1 GHANGPUGHANG GUI 18:36

Khaw k’awi täng khawihnah nak ah khin ung prophet Elijah naw sonkiang pei ah law neta ak taigü cu, “O Bawipa, Abraham, Issak, Jakob ni ah Khanpughi, Israel gui ah Khanpughi ah na kyak ah mawng, kei cu na na changshäm ah ka kyak ah mawng, shin gui avan nang ah thumkhän awn ka bi ah mawng cu tuhbäi m’dang law ä.

1 GHANGPUGHANG GUI 8:57

Bawipa mi Khanpughi naw ami pupa gui a om püi gui ah mäih ah mikmi phi na om püi gui sä; ani naw kä na hteh ta en gui sä, kä na nawng en gui sä;

ATÜNNAK 18:17

Bawipa amät naw, “Kei naw ka bi law vai cu, Abraham am ka m’yih ung kä bä khai,

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

THUSHÄUTU 9:16

Kei naw angtäi sei, ka pyen ci, cüivai nak cu thagui ah ta bä pi ci, cun ung phi cun ah duhkhaih ciah chang cu a u naw cüivai ciah kä ngai ci, ani pyen phi a u naw kä ngai ci.

ATÜNNAK 31:42

Kapa ah Khanpughi, Abraham la Isaak ah Khanpughi naw, kei kä a na om püi vai sü ung nang naw kei cu ka k’plui ah na na gawt ba khai süte nei. Khanpughi naw ka bilawh la ka yaica cu hmuh neta, zanmü nang cu a ning k’dee ah kyak ci nei.

SAM 21:2

Am lung ah ng’yak hlü cu nang naw na pek ci, Ak taigü phi na ngaih pek ci.

SAM 21:4

Ghin nak ning yoi sei na pek ci, ang’shäi ghin nak la angtäi ghin nak ah kyak ci.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.