DANIEL 2:21 - Cho Bible Common Language 2016

²¹ Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

DANIEL 2:21 Referans Kwoze

DANIEL 4:17

Shin cu cimgang ne tengkhen ciah khanchang ah m’hnüt bäi ah kyak ci. Cun ah kyasei khaw päng ung chang nü am hmat sak vä, hlüngtai ciah Khanpughi cu hnicim chang ah uknak khaw avan ah khan ah a huham om ci nei. Ani naw ak yawpi ah chang pang phi ghü ne a cun ah huham cu pe hning ci nei.’

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

DANIEL 4:32

Nang cu chang hmu ungka ka ning k’täm pyi ci nei. Khisa gui awn atäng ah om ne, khokum chih ung seipat ah mäih ah khu na ei vai nei. Cun kawn ah nang naw na ng’kyaa vai cu, hlüngtai ciah Khanpughi ung hnicim chang ah uknak khaw ah khan ah a huham cu om ci nei, cun cu ani naw a ghü ah chang am pe hning ci nei.”

JOB 12:18

Ani naw ghangpughang gui cu mangkiang ungka k’täm gui ne thawng kyum ah kyak sak gui ci.

1 GHANGPUGHANG GUI 4:29

Khanpughi naw Solomon am thuuk aih ciah cüivai nak la lulang nak, kä nütdawng hlawt vai ah dämduh ciah hmuhmat nak cu pek ci.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

1 GHANGPUGHANG GUI 3:28

Israel chang gui naw Solomon ah ng’thumcha cu ng’ya u neta, ani cu anghtei ah chang m’sui ci gui, a i ah kyasei ci ung, Khanpughi naw ani am taga khai ah ng’thumcha nak ah cüivai nak a pek cu ami hmat ah phäh ah kyak ci.

PHYAWN NAK 31:3

Ani cu ka huham awn ka k’be ci. Kei naw ani am, guk then shehpyan nak ung hmuhmat nak, theithang nak, m’khütnäng nak ka pek ci,

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

DANIEL 2:9

Ka mang cu kä nami na m’thein ah a kyak ung m’kyuk nak atäng täng ah nami van am ka ning pe gui khai nei. Akhin a gawk law ung amawng ama cu ng’thawng ei lawk khai ah nangmi naw ngai ne, hleei ne nami na m’thein khai ah nami yum yawp ci nei. Mang cu na m’thein vä, cun ung cun na mang cu k’phlan ne nami na m’thein hning khai ah kei naw ka hmat khai nei.”

1 SHONTÄP NAK 22:12

Bawipa na Khanpughi naw akthuuk hmat nak la cüivai nak cu ning pe sä, cun ung nang naw Israel khaw cu ang thukhän ah mäih ah na uk khai.

1 GHANGPUGHANG GUI 10:24

khaw ah ka ungka avan cu ani ah law hlük ci gui, Khanpughi naw ani am a pek ah cüivai nak cu ng’ngai law hlük ci gui.

THU PHLAAN 19:16

Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.

DANIEL 11:6

Khokum api shou khäta Egypt ghangpughang naw Siria ghangpughang cu ng’gei püi khai, a chu nak vai ah a hta hnumi pe tuk khai. Cun ung phi ami ng’gei nak cu kä khäng khai, amät, a cei, a hta la ani awn atäng ah a chang shäm gui ami van cu ngawn gui khai gui.

1 SHONTÄP NAK 29:30

Cun ah ca ung a i hawkcha ah ani naw a uk, a i hlawk ah ani cu a huham a om, ani ung gawk lawk ci gui avan, Israel gui ung gawk law ci gui avan, la a pei yung uknak khaw gui ung gawk lawk ci avan ami guk ah kyak ci.

PHYAWN NAK 31:6

Kei naw Oholiab phi ka ghü ci, Ani cu Ahisamach ah hta, Dan pakhui ungka ah kyak ci. Ani cu Bezalela awn a täng ah bik khai goi nei. Kei naw a hei theithang ciah bi thei chang gui am phi, aküikyang ah m’khütsheng nak cu ka pe gui ci. Cun ah kyasei kei naw bi vai ah ka bäi phung cu ngami naw bi thei ci gui. Cun gui cu:

ESTA 1:13

Ghangpughang ah thungyo ung, ami ng’shica nak la uknak thukhän ah amawng ung hmuhmat ci gui ng’shi gui vai ah om ci kyasei, ani naw hmuhmat ciah a chang vai gui cu, khü gui neta, a i hawkcha ah bi vai cu, a u naw hmat ne ang cine ng’shi gui ci.

ROMAN 13:1

Chang päng naw kho uk ciah bawi ah huham cu a läk vai nei. A i huham phi Khanpughi naw kä a m’hnüt ung kä om ci nei. Huham gah ne uk ciah khobawi cu Khanpughi naw m’hnüt ne am düih ah kyak ci.

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

DANIEL 2:20

“Khanpughi cu “Cüivai ci, huham mah ci nei! Khong län ung ani cu m’hlüngtai vä.

DANIEL 2:23

Ka pupa gui ah Khanpughi aw, ning m’hlüngtai ne ka ning tamkhah ci nei, Nang naw cüivai nak la thagui na na pek ci; Nang naw ka taigü na m’shang ne ghangpughang am a i cha ah m’thein vai cu na na m’hmuh gui ci nei.”

DANIEL 10:1

Cairus cu Peisia ghangpughang ah a kyak nak a kum thum ung Belshazzar ah phi ami pyen ah Daniela ung ng’thu m’khäh gawk lawk ci. Thu m’khäh cu akcang ah kyak ci, cun ung phi kä hmat hlawt vai ah kyak ci. Cun cu ani ah muimang ung ng’phlan ne gawk lawk ci.

DANIEL 4:14

Ani naw ak aw m’caan ne a sha’u cu, ‘Sing ghing cu chu pit ne, ang ban gui chawm ne, a hnah gui ghu ne, am theih gui phiang yawp vä. A cun ah ka ung khisa gui la ang ban gui ung kha gui cu k’täm gui vä.

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.