DANIEL 2:19 - Cho Bible Common Language 2016

¹⁹ Acun ah mu “Ung cun ah thuuk ciah mang cu Daniela ah muimang ung dang law khäta, ani naw khankho Khanpughi cu m’tamkhah ci:

DANIEL 2:19 Referans Kwoze

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

DANIEL 7:7

Kei naw ka teng sang ung ak phli nak ah khiküi dang lawk ci. Ani cu huham mah ne, kyih she ne kyihkyawk vai ah kyak ci. M’sii ah mäih ah a haa nu gui awn a lawh gui cu m’kyem ne, ami khan ah kai na gui ci. Ani cu ahei gui ah mäih ah kä kyak ci, a ki gha lawk ci.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

JOB 4:13

Ana büm ah mäih ah kei ah ka ih nak cu na tüihtok ci,

DANIEL 4:9

Belteshazzar, cängbang ci gui ung ang vai pikbäih, Nang ung Khanpughi ah mümcha theing om sei, thuuk kau ci gim cu avan na hmat ci, cicu kei naw ka hmat ci nei. Shin ah ka mang ah amawng cu nang naw na m’thein ä.

DANIEL 2:22

Ani naw thuuk ci la ng’thup ci gui cu dang sak ci nei; Ani naw hmüp khui ung ng’thup cicu hmat ci nei, ani amät cu akdei naw ng’vong ci nei.

JOSHUA 22:33

Israel chang gui cu yeikyai m’lung üp u ne, Khanpughi m’taam ci gui. Reuben la Kad chang gui ah om nak ah khaw, tuk vai, m’di vai, cicu kä pyen ba man ci gui.

DANIEL 4:26

Khanchang naw sing hmui cu m’dek ung nawng shüt vai ah ng’thu bäi ci. Cun cu nang naw Khanpughi naw khomdek avan cu uk ci, cine nang kiaa kawn ah nang cu ghangpughang ah na kya ba khai ciah kyak ci.

DANIEL 7:2

Cun cu mü ka hmuh m’hnüt nak ah kyak ci. Lam avan ung kho khi law ci, tuinu ah khan ung tui hnawk lawk ci.