DANIEL 2:12 - Cho Bible Common Language 2016

¹² Cun ung ghangpughang cu m’lungshe aih neta, Babilon ung m’cumcäi ciah bawi gui ami van, ami ngawn gui vai ah ng’thu k’bäi ci.

DANIEL 2:12 Referans Kwoze

DANIEL 3:13

Cun ung ghangpughang cu ang htei ah m’lungshe neta, cun ah chang thum cu ama ah ami law püi gui vai ah thu k’bäi ci.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

DANIEL 3:19

Nebukhadnezzar cu amlung kä üp hlawt sei Shadrak, Meshak la Abedneko ah khan ah m’lungshe neta a hmai sen ci. Cun ah kyasei ani naw a chang gui am, mei cu ak chih ah caang law pi khai ah cih sak gui ci.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

DANIEL 2:5

Ghangpughang naw, “Kei naw ka m’lung ung ka k’bäi pyi ci, nangmi naw ka ng’mang cu nami na m’thein vai, cun ah ng’mang cu k’phlan ne phi nami na m’thein vai. Kä nami pyen hlawt ah a kyak ung, akpit am tawn ah ning kiük gui ne, nami im gui phi m’vut ah kyak khai ah ka cik khai.

NG'THU K'THUUK~ 29:22

M’lungshe aih ciah chang naw ng’tukvok nak la khüikha nak akda awt ci.

NG'THU K'THUUK~ 20:2

M’ngawk ciah phongkawng kyih ah maih ah m’lungshe ciah ghangpughang cu nami kyih vai. Ani m’lungshe sak cicu ng’cawh ciah kyak ci.

NG'THU K'THUUK~ 19:12

Ghangpughang ah m’lungshe nak cu phongkawng ah m’ngaw ah maih ah kyak ci. Cun ung phi ani ah m’tamkhah nak cu khogoh tui ah maih ah kyak ci.

NG'THU K'THUUK~ 16:14

Cuivai ci naw ghangpughang a yei vai ah k’tha na ne k’pang ci, ghangpughang am lung she law ung chang tumat mat cu sik khai.

JOB 5:2

Khüikha ne na mät na sih en vai ah na mät naw na mät ng’ä na ä, Cun cu gu ang ne akholä bi ah kyak ci nei.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

DANIEL 2:24

Cun ah kyasei Daniela cu m’cumcäi ciah bawi gui, ngawn gui vai ah ghangpughang naw akbäi sak ah, Arioch ah hteit neta, ani naw, “Sihnak kä pe gui cang ä, kei cu ghangpughang ah na hteh püi ä, kei naw ani ah ng’mang cu k’phlan ne ka m’thein khai nei” cik ci.

DANIEL 5:19

Ani cu dämduh aih sei chang pakhui, chang pahta, chang nü avan naw kyihkyawk u ne, ng’hlet ci gui nei. Ani naw chang a ngawn hlü nüng ngawn ci, am ghin hlü nüng m’ghin ci, am tamkhah hlü nü m’tamkhah ci, am shuk chak hlü nü m’shuk chak ci.