DANIEL 12:6 - Cho Bible Common Language 2016

⁶ Ngani ungka tumat naw tui pang täng ah düi ciah khanchang cu ng’shik ci, “Shin ah cäicat vai ah amawng gui shi a i güt lüng neta ng’pyi khai ang?”

DANIEL 12:6 Referans Kwoze

DANIEL 8:13

Cun kawn ah khanchang tumat naw ahei tumat ng’shi sei ka ng’yak ci, “Muimang ung hmuh ah shin ah mawng gui cu a i güt shou khai ang? Shin ah kyih vai ah katnak cu a i güt a hnüüptä khawihnah nak ah hnün ung om khai ang? A i güt khankho gakap gui la Taigüim cu kai nak khai gui ang?”

EZEKIEL 9:2

A cun vai am Chang Chuk cu a siiptäng taigü Im kawt ah akpung täng ungka lawk ci gui, likhim kawt bäng bäng ci gui. Ngami awn atäng ah linen sui sui ciah Chang tumat cu guk nak vai kawt ne law tuk ci. Ngami ami van law u ne kyei sonkiang pei ah ng’düi ci gui.

DANIEL 8:16

Cun kawn ah Ulai tuinu täng ah ka, ng’khü ah k’aw cu kei naw ka ng’yak ci, “Kabriela, ani naw a hmuh ah a mawng cu ani am m’thein ä.”

THU PHLAAN 19:14

Khankho gakaap gui naw, ak theing bäng bäng sui u ne, ng’se bawk bäng bäng ng’cum u ne a hnu ah läk ci gui.

THU PHLAAN 15:6

Leigaai mawng chih law püi ciah khankho chang pachih cu pum im ung kaa lut lawk ci gui. Ngami cu pä suinu a bawk sui u ne, ghui m’ciu bäng bäng vawp ci gui.

THU PHLAAN 6:10

Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

EPHESIAN 3:10

Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.

SAM 74:9

Theing ciah kami m’hnih nak gui cu ng’kawn yawp ci, prophet gui phi kä dang ba ci, cun cu a i güt lüng khai ah a u naw phi kä hmat ci,

MATTHE 24:3

Bawipa Jesuh cu Olive khohtung ah amät a ngoh yah ung ang düihpüi gui cu a pei ah law u netah, “Tuhbäi na pyein ah a mawng gui cu a i ah khin ung kya lawk khai ang? Nang Bawipa kyum law ba nak khin la kho ang pyi law nak vai ah khin ung a i gui dang lawk khai ang? nam thein gui ä,” cine ng’shik ci gui.

MAKUH 13:4

Peter, James, Johan la Andru ni cu a pei ah law u netah, “Bawipa, nang naw na pyein ah a mawng gui cu a i yah ung küm lawk khai ang? Cun ah a mawng ama gui a khüm law yah ung a i gui dang lawk khai ang? Nam thei gui ä” cine ng’shik ci gui.

DANIEL 12:5

Cun kawn ah chang hnih cu tuinu ah kem ung vangtäng tumat ciah ng’düi ni sei ka hmuk ci.

DANIEL 12:8

Ani naw a pyen ciu ka ng’yak ci, cun ung phi kei naw kä ka hmat ci. Cun ah kyasei ka ng’shi cu, “Shin gui avan cu a i cha ah ng’pyi khai ang?”