DANIEL 12:2 - Cho Bible Common Language 2016

² Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

DANIEL 12:2 Referans Kwoze

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

EZEKIEL 37:12

Cun ah kyasei ka chang gui Israel gui ah khan ah cängbang ä, kei, uktu Bawipa naw ami phuh hmun ka hmawng lawk khai nei, m’thein gui ä. Kei naw ngami cu la gui ne Israel khaw ah ka hteh püi ba gui khai.

THU PHLAAN 20:12

Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.

LAMKTU 24:15

Kei cu Khanpughi ka yum ci kya ne, chang k’ni, chang she, chang avan cu, sih nak kung kaa tho ba khai ah ka ngaih u ci. Acun ah mäih ah ngami naw phi yum ne ngaih u ci gui.

1 THESSALONIAN 4:14

Bawipa Jesuh cu sih nak ungka tho ba ci, cicu mi yum ci; acun ah mäih ah Bawipa Jesuh ayum kawn ah sik ciah chang gui cu Khanpughi naw, Bawipa awn a täng ah khäm ba gui khai cicu mi yum ci.

ISAIAH 66:24

Ngami ami hteh ba ung, kei na hnungtuk küknet püi ci gui ah ami gook gui cu hmuk khai gui. Cungui ei ciah m’kyiit gui cu kä ci phung khai gui, cun gui ui ciah mei phi kä phät phung khai. A cun gui hmuk ciah hnicim chang avan cu shemshai gui khai. Prophet Isaih ah caa gui ng’pyi ci.

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

ROMAN 9:21

K’am sheh ci naw k’am m’dek cu amät ah ng’yak hlü ah piang hning ciah kä kya ne ang! Ani naw k’am m’dek tumat awn, akni akshe, am hni ah sheh hning ciah kä kya ne ang!

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.