DANIEL 12:12 - Cho Bible Common Language 2016

¹² Hnüüp 1335 ng’pyi güt sei bekhüt ciah chang cu yeikyai nak om khai nei.

DANIEL 12:12 Referans Kwoze

DANIEL 8:14

Ahei khanchang naw am shan nak cu ka ng’yak ci, cun cu kho hnüüp 1150 lüng khai, Cun yah ung kho ngawi la mühun ah khawihnah nak cu a u naw kä douthak ba khai. Cun kawn ah Taigüim cu m’thou ba khai gui.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

ROMAN 11:15

Khanpughi naw ngami cu a nawng gui yah ung, hnicim chang gui cu, a gaa ah ami kyak nak ungka naw a teihpüi ah ng’thon sak gui yawp ci. Cun ah kya sei Jew chang gui cu Khanpughi naw a dou ba gui yah ung a i ah mäih ah kyak khai ang! Ak si gui ghin sak gui ah mäih ah cäicat vai ah kyak khai nei.

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

THU PHLAAN 12:6

Hnuminu cu bunghmu ah Khanpughi naw a pyan nak peitah hteit ci. A cu ah hnüüp 1, 260 ung ani cu ami m’hteihtang ah kyak ci.

THU PHLAAN 13:5

Khiküi cu m’ghämce ne Khanpughi ah thang shet sak nak vai la cha phlikip-lei-goi ung uknak vai ah huham cu gah ci.

EZEKIEL 4:6

Cun ang pyi ah a kyak ung nak pat täng ah ng’hlat ne Judah Chang gui ah katnak ah phäh ah hnüüp phli kip ung na zaila ba khai nei ngami m’kyuk nak gui ah kum ät päng ung hnüüp ät ciah kyak ci.