DANIEL 12:11 - Cho Bible Common Language 2016

¹¹ A hnüüptä khawihnah nak ang düm nak khin cu kyihkyawk shemshai nak ah akhin ung tün ci, cun ung hnüüp 1290 ng’pyi khai.

DANIEL 12:11 Referans Kwoze

DANIEL 11:31

Am shah gakap gui naw Taigüim cu shemshai sak khai gui. Ngami naw a hnüüptä khawihnah nak cu düm sak khai gui. Kyihkyawk shemshai vai kyak cicu m’düih khai gui.

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

MAKUH 13:14

“Tükyai shemshai cicu kä om nak khin ung om sei nami hmuk khai. (Shin ah a mawng cu ca phat ci naw ngai thei sä.) Cun nami hmuh law ung Judea kho ung om ciah chang gui cu khomhtung ah dawng u sä.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

THU PHLAAN 13:5

Khiküi cu m’ghämce ne Khanpughi ah thang shet sak nak vai la cha phlikip-lei-goi ung uknak vai ah huham cu gah ci.

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

DANIEL 8:26

Mühun la kho ngawi ah khawihnah nak ah mawng muimang kei naw ka ning m’thein cu akcang ah kya lawk khai. Cun ung phi tuhbäi m’yih vai, a i ah kyasei ci ung a cun ah a kyak law nak vai cu kho ak shou lüng ba cang khai.”

DANIEL 1:12

“Hnüüp gha ung keimi cu na m’nüm gui vä, ei vai thui an la awk vai tui bäng na pe gui vä.

THU PHLAAN 12:6

Hnuminu cu bunghmu ah Khanpughi naw a pyan nak peitah hteit ci. A cu ah hnüüp 1, 260 ung ani cu ami m’hteihtang ah kyak ci.

EZEKIEL 4:6

Cun ang pyi ah a kyak ung nak pat täng ah ng’hlat ne Judah Chang gui ah katnak ah phäh ah hnüüp phli kip ung na zaila ba khai nei ngami m’kyuk nak gui ah kum ät päng ung hnüüp ät ciah kyak ci.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

PHYAWN NAK 29:38

“A hnüüp tä, akhin päng ung, kum ät lüng ciah htome hta hnih awn sonkiang ung khawihnah vai.