DANIEL 12:10 - Cho Bible Common Language 2016

¹⁰ Chang akda gui cu theingthap khai gui nei. Chang shekha gui cu a i kä hmat u ne, shekha lä khai gui. Cüivai ciah chang gui bäng naw hmuhmat khai gui.

DANIEL 12:10 Referans Kwoze

THU PHLAAN 22:11

Akshe bik ciah chang cu akshe bi lä sä, cheishoh ciah chang cu cheishoh lä sä, akni bik ciah chang cu akni bi lä sä, theingciim ciah chang cu theingciim lä sä” cine na kyak nak ci.

DANIEL 11:35

Cüivai ciah ang vaihta gui cu ngawn gui khai gui cun ung phi cun ah ami ngawn ah phäh ah chang gui cu theingthap lawk khai gui. Shin cu Khanpughi ah m’hnüt nak ah khin kä a gawk pha ah chuih a cun ah kya lä khai.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

JOHAN 8:47

Khanpughi ungka lawk ci naw Khanpughi ah thu ngai ci, nangmi cu Khanpughi ungka kä nami lawk ciah kya ne, ani ah ng’thu cu kä nami ngai ci” ci na gui ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

LUKA 24:25

Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw,

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

THU PHLAAN 3:18

Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

NG'THU K'THUUK~ 1:5

Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

DANIEL 11:33

Cüivai ciah ang vaihta gui naw chang akda am cüivai nak ah mawng m’thein khai gui. Cun ung phi kä shou pha sei amshah cu ng’tuk nak ung ngawn gui khai gui, amshah cu guttep u ne thawng ung chum khai gui.

EZEKIEL 47:11

Cun ung phi tuikem pum ung ng’nai gui la tuibüm gui läi cu kä theing ci hlawt khai. Cun ung phi cun gui cu m’sii ah am thawk nak ah kya ne om khai gui.

THU PHLAAN 19:14

Khankho gakaap gui naw, ak theing bäng bäng sui u ne, ng’se bawk bäng bäng ng’cum u ne a hnu ah läk ci gui.

THU PHLAAN 19:8

Ani cu a suisak vai ah theing ne ng’ciim ciah sui phi gah pyi ci nei. (Sui k’ni cicu Khanpughi ah chang gui ah om ih k’ni ah kyak ci.)

THU PHLAAN 16:11

Cun ah ami hlut khei nak la ami m’neh m’awh nak ah hmawk ah mawpi Khanpughi cu m’shetkat ci gui. Cun ung phi ami mät ah cheishoh nak ung ka kä ng’hlat law ba ci gui.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

HEBRU 12:10

Akhin ak tawi hta ah kyong ung hnicim chang mi pa naw bä ciah ang ngaih ah nam cäi gui ci; Cun ung phi Khanpughi naw mikmi ah mi kyom nak vai hmawk ah amät ah mäih ah mi theingcim vai ah nam cäi gui ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

MAKUH 4:11

Bawipa Jesuh naw, “Nangmi naw thuuk ne kau ciah Khanpughi ah uknak kho ah mawng cu nami hmat pyi ci. Cun ah kä hmat tu hning ci gui cu m’tumtäng ne m’thein gui ah kyak ci.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

ISAIAH 1:18

Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

SAM 107:43

Cüivai ciah chang gui naw shin ah mawng cu ngaih-tüh u sä, Bawipa ah ng’täi ciah am hni nak cu hmat u sä.

SAM 51:7

Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.

1 SAMUEL 24:13

Nang naw thu phyim na hmat ci, “Akshe cu changshe bäng naw bik ci! Cun ah kyasei kei naw kä ka ning bik khai.

MALAKHI 3:3

Ani naw ngui ng’ciim khai ah m’cim ah mäih ah m’khoichak khai nei. M’si shep naw ghui la ngui am cim ah mäih ah Bawipa ah ng’shä tüih naw taigü gui cu theing sak gui khai nei, cun ah kyasei ngami naw Bawipa am, ng’düng cicu pe lawk khai gui nei.