DANIEL 12:1 - Cho Bible Common Language 2016

¹ Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

DANIEL 12:1 Referans Kwoze

JEREMIAH 30:7

Kyihkyawk nak ah hnüüp gawk lawk ci nei; A hei m’täng nak vai ah hnüüp kä om Khai nei. Cun cu kei awn Chang gui ah geinvai nak vai ah akhin ah kyak khai nei, Cun ung phi ngami cu ghing ne k’pawih khai gui.”

MATTHE 24:21

Cun ah a khin ung ang htei ah shekak ciah yaica nak gawk lawk khai. Cun hlawk ah shekak ciah yaica nak cu khodek ang tüi law ung tün ne a i yah ung phi chang gui naw kä bui awt man khai gui. Ngawi ah phi bui awt ba vai ah kä kyak ci.

MAKUH 13:19

Khanpughi naw khomdek a tüi pyan ung tün ne, a i yah ung phi shin ah mäih yaica nak cu, a u naw kä awt man ci, ngawi ah phi a u naw kä bui awt ba khai.

DANIEL 10:13

Persia uktu ah khanhta ng’piang naw hnüüp m’ku lei ät ung na hnu nak ci nei. Cun kawn ah khanchang gui ungka ang vaipi tumat Michaela naw law ne kei cu na m’htei ci, a i ah kyasei ci ung Persia ung kei cu ka mät hta bäng ka om shüt ciah kyak ci.

THU PHLAAN 12:7

Cun kawn ah khanmawpi ah ng’tuk bi nak om ci. Michaela la ak khanchang gui naw, shawk cu ng’tuk püi ci gui. Shawk la ak khanchang gui naw phi ng’tuk tu ba püi ci gui.

THU PHLAAN 20:15

Ghin nak ca-uk ung ang ming kä ng’gu tuk ciah chang gui phung cu cun ah meidäi ung yuk shum gui yawp ci gui.

THU PHLAAN 20:12

Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.

THU PHLAAN 3:5

Näng nak gah ciah chang gui cu sui bawk sui khai gui, kei naw ngami ah ming cu ghin nak ca-uk ungka kä ka heeng khai. Ani cu kei ah chang ah a kyak ah mawng, Kapa la ak khanchang gui ah maa ah kei naw ng’kiaa ne ka pyein khai nei.

LUKA 10:20

A i gaa phi nami khan ah gawk lawk khai, cun ung phi khoshe nami m’khüt näng ah phäh ah kä yeikyai vä, khankho ah nami ming guk pyi ah phäh ah yeikyai vä” cik ci.

DANIEL 9:12

Keimi la kami uktu gui ah khan ah na bi vai ah na pyen cu nang naw na bik ci. Nang naw khomdek khan ah mang gaw gui nicii ah da pi khai ah Jerusalem cu na m’kyuk ci.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

JUDE 1:9

Khan chang gui ah bawi Michaela naw phi shin ah mäih cu kä bik ci, Moses ah pumsa a u naw lak khai ciah mawng Khoshe awn ani ng’cuh nak ung, Michaela naw Khoshe cu kä k’shedam na yäi netah, “Khanpughi naw khän ne ning m’cäi sä” cin kyak nak ci.

PHILIPPIAN 4:3

Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.

EPHESIAN 1:21

Bawi Khrit naw cun ah kho ah khankho uk ci gui, huham mah gui, hlüngtai ci gui, la bawi gui cu uk gui ci. Ani ah ming cu tuhbäi la lawk khai ah khin ung huham ah ci gui phung ah küikyang pi ci.

ROMAN 11:26

Cun kawn ah Israel chang avan cu hun nak gah khai gui nei, cun ah mawng cu cacim theing ung: “Hun Bawipa cu Zion khomhtung ah kaa kyum law ne, Jakob ah hta ng’shon gui ah shetkat nak avan cu nawt heng yawp khai nei.

EZEKIEL 13:9

Muimang pyan ne, kä bä ciah ng’cängbang ciah prophet gui nangmi cu kei naw ka ning m’kyuk gui khai nei. Ka chang gui naw m’hnüt bäi vai ah ami ng’bum nak ung nangmi kä name om tuk khai nei; Israel pahta chang gui ah ming guk nak ung nangmi ah ming kä k’boih tu vai nei; nangmi cu name khaw ung kä name law bap hung khai nei. Cun kawn ah nangmi naw kei cu Uktu Bawipa ah name nah mat khai nei.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

ISAIAH 4:3

Jerusalem ung ghing ne on ba ciah chang nü. Khanpughi naw k’pawih khai ah a ghü gui cu theingüim ciah khü gui khai gui.

SAM 69:28

Ghin nak ca uk ung ka, ami ming cu, phiet gui ä; Na chang gui ung kä ng’käng-en tu u sä.

SAM 56:8

A i hlawk ah ka khüikha cu nang naw na hmat ci; ka ng’phli tui cu gi na ne, na gim ci. Ngami naw na na uk ung kä m’hnüt tu u ne ang?

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

ROMAN 11:15

Khanpughi naw ngami cu a nawng gui yah ung, hnicim chang gui cu, a gaa ah ami kyak nak ungka naw a teihpüi ah ng’thon sak gui yawp ci. Cun ah kya sei Jew chang gui cu Khanpughi naw a dou ba gui yah ung a i ah mäih ah kyak khai ang! Ak si gui ghin sak gui ah mäih ah cäicat vai ah kyak khai nei.

DANIEL 11:45

Ani naw tuinu la Taigüim ah om nak ah khomhtung ah ng’lak ung mang im gui co khai. Cun ung phi ani cu m’htei tuk khai a u kä om sei, a cun ung sik khai.

EZEKIEL 34:24

Kei, Bawipa cu ami na Khanpughi ah ka kyak khai, ka changshäm David ah mäih ah kyak ciah ghangpughang cu ngami ah uktu ah kyak khai kei naw ka pyen nei.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

EZEKIEL 5:9

Kei naw ka thüi nak ah amawng gui avan nang naw na bi ah phäh ah kei naw Jerusalem cu ka m’kyuk khai, cun na kei naw acu phi kä ka bi man ci, angawi ah phi cun ah mäih ah kä ka bi ba khai.

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

MALAKHI 3:16

Cun kawn ah Bawipa kyih aa ci gui cu, ami mät ng’ce ng’cäk u sei, Bawipa naw ngai ne ami ng’thu ng’yak ci. Khanpughi kyih aa ne chang m’sui ciah chang cu, amät ah ma ah ca uk ung gu ne m’hnüt ci.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.