DANIEL 11:7 - Cho Bible Common Language 2016

⁷ A cun ng’lung ung ani ah a mätyah gui ungka tumat cu ghangpughang ah kya lawk khai. Ani naw Siria ghangpughang ah gakap gui cu tu gui ne, ami vongpang kyong ah luh shi gui ne hnim gui ci.

DANIEL 11:7 Referans Kwoze

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

EZEKIEL 17:18

Ani naw ang tawn nak phi m’shet ne, dinds nak abi phi m’shet ci. Shin gui avan cu ani naw abi ah kyak ci, ani cu kä phyawng khai.”

JEREMIAH 12:2

Nang naw geit gui ci sei, ngami ng’yung pya ci gui; ngami cu däm law ne m’theih tak lawk ci gui. Ngami naw nang ah mawng cu akni ah pyen ci gui, cun ung phi akcang ah a i ah kä ning ngai ci gui.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

ISAIAH 9:14

Hnüüp ät bang ung Israel gui ah ami ng’vai gui la ami chang gui cu Bawipa naw m’kyuk gui khai. Ani ami lu la ami ng’mei cu m’chün gui khai.

SAM 109:8

Ani ah a ghin nak cu ng’pyi ge sä; abi lawh phi chang a hei naw lak pe sä!

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.

JOB 14:7

Chuk pit pyi ah sing ghing cu ngaih u vai om ba ci nei, Ani cu ghing ba ne m’khek ba ci nei.

DANIEL 11:6

Khokum api shou khäta Egypt ghangpughang naw Siria ghangpughang cu ng’gei püi khai, a chu nak vai ah a hta hnumi pe tuk khai. Cun ung phi ami ng’gei nak cu kä khäng khai, amät, a cei, a hta la ani awn atäng ah a chang shäm gui ami van cu ngawn gui khai gui.

DANIEL 11:40

“Siria ghangpughang ah akhin ang pyi law ung, Egypt ghangpughang naw tu lawk khai. Siria ghangpughang naw a huham avan, yatha gui, ng’sela gui la htinpaw akda mang ne ng’tuk püi tuba khai. Ani naw tui klaw ah mäih ah khopäng akda cu tu gui khai.