Biblia Todo Logo
Bib sou entènèt

- Piblisite -




DANIEL 11:6 - Cho Bible Common Language 2016

6 Khokum api shou khäta Egypt ghangpughang naw Siria ghangpughang cu ng’gei püi khai, a chu nak vai ah a hta hnumi pe tuk khai. Cun ung phi ami ng’gei nak cu kä khäng khai, amät, a cei, a hta la ani awn atäng ah a chang shäm gui ami van cu ngawn gui khai gui.

Gade chapit la Kopi




DANIEL 11:6
9 Referans Kwoze  

“Siria ghangpughang cu ng’hlat ne hteit ba ne, ayanä kaa ah ta da pi khai ah gakap m’cut ba khai. Akhin a gawk law ung ani cu likhim akbe, gakap akhak awn ng’hlat law ba khai.


“Siria ghangpughang ah akhin ang pyi law ung, Egypt ghangpughang naw tu lawk khai. Siria ghangpughang naw a huham avan, yatha gui, ng’sela gui la htinpaw akda mang ne ng’tuk püi tuba khai. Ani naw tui klaw ah mäih ah khopäng akda cu tu gui khai.


Cun ah kyasei Siria ghangpughang naw gaw k’paang mang gaw cu tu ne khäm khai. Egypt gakap gui cu k’täi ne kä ng’tu ba khai gui, ngami ungka akni pi gui phi ami thagui kä om ba khai.


A cun ng’lung ung ani ah a mätyah gui ungka tumat cu ghangpughang ah kya lawk khai. Ani naw Siria ghangpughang ah gakap gui cu tu gui ne, ami vongpang kyong ah luh shi gui ne hnim gui ci.


Ka htome gui ngäng khai ah htomeshäm tumat cu ka khü ci, cun ung phi ani naw ami ngawn sheh ah htome phi kä m’htei ci, maih ci phi kä shui ci, nat nak om ci phi kä m’tui ci, gai ci phi kä tumbei ci. Cun ung phi plan pi ciah asa cu ei ci, ami khawpaw phi khing ci.


Ani naw pyen ci, “Hnicim chang, kei naw Egypt ghangpughang ah a kut cu ka cheiuh pyi ci nei. Khan ba sei khimsem kawt ba hlawt khai ah a u naw phi kä hlawp tuk ci, kä m’tui tuk ci nei.


Changshe cu a päng ung näng ci Khanpughi ah ng’thumcha nak cu kä hmat hlawt ci; a ga gui phi m’lep gui ci.


Kho hnüüp ah akdei cu changshekha gui ah phäh ah dei aih sei, Ngami cu kä cawi m’sa hlawt ci gui.


Swiv nou:

Piblisite


Piblisite