DANIEL 11:45 - Cho Bible Common Language 2016

⁴⁵ Ani naw tuinu la Taigüim ah om nak ah khomhtung ah ng’lak ung mang im gui co khai. Cun ung phi ani cu m’htei tuk khai a u kä om sei, a cun ung sik khai.

DANIEL 11:45 Referans Kwoze

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

DANIEL 8:25

A i ah kyasei ci ung ani cu thei leh ciah kya ne hleei hlak nak täng ung ani cu näng nak gah ci. Ani cu amät m’ghämce ne a u kä m’cäicat ah chang akda m’di khai. Ani naw ghangpughang avan ung dämduh pi ci phi küknet püi khai, Cun ung phi ani cu chang ah huham awn kä kyak ci awn m’di nak gah khai.

THU PHLAAN 20:9

Ngami cu khomdek khan avan ung püi u ne, Khanpughi ah chang gui ah ng’düm hmun la ani ah m’hni ah mang gaw cu khaai yawp ci gui. Cun ung phi khankho ah kaa meidäi kya law ne, ngami cu ui gui yawp ci.

THU PHLAAN 20:2

Ani naw shawk k’phyu ng’hlui cu pha netah, khawkum phyaa ghaa ung pin ne khit ci. Cun ah khawshe bawi kä cun ung Satan ah kyak ci.

THU PHLAAN 13:10

Ami phaa vai cu pha tuk cang khai gui, khim awn ami ngawn vai cu ngawn tuk cang khai gui, shin ah a mawng ung Khanpughi ah chang gui cu ng’düng ne bekhüt yawp ne ami om vai nei.

2 THESSALONIAN 2:8

Cun kawn ah akshekha säih cu dang lawk khai nei. Cun ung phi Bawipa Jesuh a kyum law ung am gawng ung lut lawk ciah ang ghi m’äm la a pyü vai nak awn cun ah akshekha säih cu, ngawn ne m’di khai nei.

ZEKHARIAH 14:8

Cun ah hnüüp a gawk law ung tui akci cu Jerusalem ungka long lawk khai, a teih cu Tuisi Tuinu ung yu kyum khai, a teih cu Mediteranean tuinu ung yu kyum khai. Cun ah tuinu cu a kum pum ung a htui a cha ung long khai.

MIKHAH 4:2

ami chang gui naw, “Bawipa ah khomhtung ah mi hteit khai nei, Israel gui ah Khanpughi ah Taigü im ah. Ani naw mi bi vai angyak hlü cu na m’thei gui khai nei. Mikmi cu ani naw a ghü ah lam ung mi hteit khai nei. Bawipa ah m’thei nak cu Jerusalem ungka lawk ci, Zion ungka naw a chang gui cu ng’thu püi gui ci.”

JOEL 2:20

Kei naw asiip lam ah ka lawk ciah khanpeh gui cu ka gawt khai am shah cu khong gau khaw ah ka k’täm gui khai. Ma ciah a khawng gui cu tuisi tuinu ung ka täm gui khai, am shah akhawng gui cu Mediteranean tuinu ung lut khai gui. Sik ciah pumsa gui cu hniim khai gui. Nangmi ah khan ah ami bi avan ah phäh ah kei naw ka m’di gui khai.

DANIEL 11:41

Ani naw shaitak ah khaw phi tuk khai, chang tämkäp phia khak ngawn gui khai, cun ung phi Edom, Moab, la Ammon ah ak eng täng khaw gui cu phyawng khai gui.

DANIEL 11:16

Tu law gui ciah Siria gui naw ami m’hni ah bii bik khai gui, a u naw kä hnungtuk püi gui khai. Ani cu shaitak ah khaw ung düi ne, cun ah khaw avan cu amät ah huham kyong ung chum khai.

DANIEL 7:26

Cun kawn ah khankho ng’thumcha nak ung ngo u neta, ani ah huham cu lak pe ne, maih khai ah m’di khai gui.

DANIEL 2:35

Ang ghit ah m’sii ni, m’deknai ni, kyei ni, ngui ni, ghui ni gui cu, khui ne ng’pyäih ne, cha-khaw ah htang leh nak ung m’vut khui ah mäih ah kyak ci gui nei. Khokhi naw cun gui avan cu yon yawp sei, api phi kä pawih ba ci. Cun ung phi lung nu cu däm law ne, khomhtung nu ah kya law ne khomdek khan avan cu küm ci.

EZEKIEL 39:2

Kei naw ani cu a hei ah ka m’hlat khai, Israel khomhtung gui ung agawk güt ung, a siiptäng a shou nak cu hteh ta ne lam ka m’shüm khai.

ISAIAH 14:13

Nang naw khankhaw ah hang kai ne, akhlüng pikbäih ah aisi gui ah khan ah na mangkiang k’süm vai ah nakbäi te ci. Khan pughi gui ah ami ng’bum nak a siiptäng khomhtung ung ghangpughang ah mäih ah ngoh vai ah nang naw na ngai te ci.

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

SAM 48:2

Zion, Khanpughi ah khomhtung cu ng’tai ne kyom ci nei; küikyang ciah ghangpughang ah mang gaw naw m’dek khan avan ung yeikyai nak law püi ci nei.

ISAIAH 11:9

Zion ah khan, khanpughi ah m’htung theing ung, nat nak la akshe a i pi kä om khai. Tuinu cu tui awn abe ah mäih ah khaw cu Bawipa ah hmuh hmat nak awn be khai.

ISAIAH 27:13

Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.

ISAIAH 65:25

Hnei la htome gui ei vun ne ei khai gui; Seipat ah aräih ah phongkawng naw m’gahw ei khai, k’phyn ung am äm kä om ba khai. Kei ah theingcim ciah Zion m’htung khan ah, nat nak la shetkat nak ai phi kä om ba khai.”

ISAIAH 66:20

Ngami naw chang pakhui gui ung ka, nami khochang avan cu m’cümhnak nak ah kei ah law püi ba khai gui. Israel gui naw htang-douthak nak cu theingcim nak vai Taigüim ah ami law püi ah mäih ah, ngami naw cun gui cu ng’se gui, la gui, kala uk gui la yatha gui la ng’hle gui aw thingcim ciah kei m’htung Jerusalem ung law püi khai gui.

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

DANIEL 9:20

Kei cu hteit ne ka taigü ci, ka katnak gui la ka chang gui Israel gui ah katnak gui ka ng’yu ba ci, cun kawn ah Bawipa ka Khanpughi naw theingcim ciah a Taigüim am thawh ba vai ah ka ng’coipa ci.

DANIEL 11:44

Ani cu ak kyang täng la a siiptäng ah kaa lawk ciah ng’thu naw cäicat sak sei, ani naw aknui ah tu gui khai, chang akda ngawn gui khai.

KHEI NAK 34:5

Cun ungka naw Egypt khawgi khaw nawi lam ung ng’hlat ne, Mediteranean tuinu ung khüt ci.

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.