DANIEL 11:40 - Cho Bible Common Language 2016

⁴⁰ “Siria ghangpughang ah akhin ang pyi law ung, Egypt ghangpughang naw tu lawk khai. Siria ghangpughang naw a huham avan, yatha gui, ng’sela gui la htinpaw akda mang ne ng’tuk püi tuba khai. Ani naw tui klaw ah mäih ah khopäng akda cu tu gui khai.

DANIEL 11:40 Referans Kwoze

DANIEL 11:35

Cüivai ciah ang vaihta gui cu ngawn gui khai gui cun ung phi cun ah ami ngawn ah phäh ah chang gui cu theingthap lawk khai gui. Shin cu Khanpughi ah m’hnüt nak ah khin kä a gawk pha ah chuih a cun ah kya lä khai.

DANIEL 11:10

Siria ghangpughang ah hta gui naw ng’tuk vai ah pawng u ne, gakap akda m’cut khai gui. Cun gui ungka tumat naw tui k’law ah ng’güt ah mäih ah gakap ng’vongpang tumat cu tuk khai.

ISAIAH 5:28

Ami m’la gui cu ghat ne, ami li gui cu kah ghet vai kyak ci. Ami ng’se gui ah khopaw gui cu meikhatlung ah mäih ah liu ne, ami zatha-ping gui cu kuiphka ah mäih ah ng’tum ci.

THU PHLAAN 16:12

Akchuk nak ah khankho chang naw a eikbei ungka cu Euphratis tuinu ah khan ah yuk huk khätah cun ah tuinu cu kawi ne ket sei, hnii law lam ah kaa ghangpughang gui ah law nak vai ah lam cu ng’hmawng lawk ci.

ZEKHARIAH 9:14

Bawipa cu a chang gui ah khan ah ng’dang lawk khai; Ani naw am’la gui cu khaw lailäp ah mäih ah kap khai. Uk ciah Bawipa naw phyung heng tum khai; A htumtäng ah ka puikhaw ah khi ne lawk khai.

DANIEL 12:4

Ani naw na pyen nak ci, “Tuhbäi, Daniela, ca-uk na m’khüp vai. Khaw kä a khüt pha ah chuih cun ah khan ah m’hnüt nak na k’daih vai. Cun yah ung a i ah kya lawk ci, cicu ami hmat vai ah chang akda naw a kholä ah tha nak khai gui.

EZEKIEL 38:4

Kei naw ani cu ng’hlah sak ne, am kha ung m’si hling awn kaih ne, ani la agakap gui avan cu ahei ah ka kaih gui khai. Ani ah gakap, ng’se gui la ami suisak täng ciah ng’se ng’cum ci gui cu chünla ci gui. Gakap päng naw shawi kawt ci, khimsem kawt ci gui nei.

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

ISAIAH 21:1

Shin cu Babilonia ah mawng thumkhäh ah kyak ci. Khawng gau khaw kan ne ng’pheet lawk ciah kuiphak ah mäih ah. Leigai cu kyih vai kyak ciah khaw ung ka gawk lawk khai nei.

THU PHLAAN 9:16

Ng’tuk khai gui ah ng’se awn lawk ci gui ami van cu tämkäp phia goi lawk ci gui ah ka hmat ci.

DANIEL 11:22

Ani hnungtuk püi ci phung cu Khanpughi ah taigütung ah a kyak ung phi k’täm ne tuthat khai gui.

DANIEL 8:17

Kabriel cu law ne ka pei ah ng’düi sei, kei cu kyih aih neta m’dek ung kyu ne ka ng’yän ci. Ani naw na pyen nak ci, “Chang aw, amawng cu hmat ä, shin ah muimang cu kho ah ng’pyi nak vai ah a mawng ah kyak ci.”

ISAIAH 66:15

Bawipa cu mei awn lawk khai. Ani cu am lungshe nak gui m’kyuk gui khai ah kuiphak ng’vai ung ng’cum ne lawk khai nei.

DANIEL 11:7

A cun ng’lung ung ani ah a mätyah gui ungka tumat cu ghangpughang ah kya lawk khai. Ani naw Siria ghangpughang ah gakap gui cu tu gui ne, ami vongpang kyong ah luh shi gui ne hnim gui ci.

DANIEL 11:11

Egypt ghangpughang cu m’lung she neta, Siria ghangpughang cu ng’tuk püi ne, a gakap akhak cu khäm ci.

DANIEL 11:13

“Siria ghangpughang cu ng’hlat ne hteit ba ne, ayanä kaa ah ta da pi khai ah gakap m’cut ba khai. Akhin a gawk law ung ani cu likhim akbe, gakap akhak awn ng’hlat law ba khai.

DANIEL 11:25

“Ani naw gakap akda awn Egypt ghangpughang cu king ne tuk khai, Egypt naw phi huham mah ciah gakap akda awn tu tu ba khai ah pawng khai. Cun ung phi Egypt ghangpughang cu m’hleeihlak u sei kä näng khai.

DANIEL 11:39

Ani naw ang vongpaang gui a shungvong nak vai ah a khaw hei khanpughi khawihnah ciah chang gui cu mang gui khai. Ani uktu ah dou ciah chang gui cu akdäm ah m’tam gui khai, yung ak hlüng ung tha gui khai, ng’chuh ah khobung phi pe gui khai.

DANIEL 12:9

Ani naw na m’shang ne, “Tuhbäi na hteh vai, Daniela, Shin ah ng’thu gui cu adüm ah gim ne, khaw a khüt güt ung thuh vai nei.

HABAKKUK 3:14

Na m’la naw gabawi cu kaang ci nei, na k’phyitpai gui khai ah khokhi nu ah mäih ah a law yah ung. Dukhaih ci gui shedam nak ciah mäih ah teng m’shuk ci nei.

EZEKIEL 38:9

Ani la a gakap gui, ani awn atäng ah om ciah changpakhui gui naw puikhokhi ah mäih ah tu u ne, khaw avan cu khongmei ah mäih ah küm khai gui.”