DANIEL 11:4 - Cho Bible Common Language 2016

⁴ Cun ung phi a huham a hlüng pikbäih sangung ani ah uknak khaw cu she ne, phli ah ng’bou khai. Ani ah ng’shon ah kä kyak ciah ghangpughang gui naw ani ah hnün ung uk khai gui. Cun ung phi ngami cu ani ah mäih ah kä huham mah khai gui.

DANIEL 11:4 Referans Kwoze

DANIEL 8:22

A htük ah a ki a hnget nak ung lut law ba ciah a ki phli ci cu, cun ah khaw ng’pai neta dang lawk khai ah uknak khaw phli ah kyak ci. Cun gui cu a htük ung uknak khaw ah mäih ah kä gaigawng khai gui.

DANIEL 8:8

Me cu m’gäi law pi pi ne, a huham a hlüng law pi yah ung, a ki cu hnget ci. A cun ah hnün ung a ki phli ah law law ba ci, cun gui cu ahei täng bäng bäng ah mang ci gui.

JEREMIAH 12:17

Cun ung phi pakhui tumat nat naw kä a ngaih ah a kyak ung, kei naw angmüi ah ang yung ah laat ne ka m’di khai, kei Bawipa naw ka pyen nei.”

DANIEL 7:8

A ki gui cu kei kheng ne ka teng sang ung ahei ki gui ah ang lung ung a ki a läm tumat lut law sei ka hmuk ci. A cun naw om ge ciah a ki thum cu plawh ci. Cun ah ki ung chang mik gui ah mäih om ci, chang ah ng’shei ciah am gawng phi om ci.

DANIEL 7:2

Cun cu mü ka hmuh m’hnüt nak ah kyak ci. Lam avan ung kho khi law ci, tuinu ah khan ung tui hnawk lawk ci.

JEREMIAH 18:7

A i pakhui khaw, a i uk nak khaw phi, a i sangung phi kei naw ka mawi hning ci, ka m’shet hning ci, ka m’di hning ci, cine ka pyen ci,

JEREMIAH 12:15

Cun ung phi kei naw ngami ahei ah ka lak gui kawn ah, ngami cu ka chimgein ba gui khai; kei naw a pakhui päng cu ami mät ah khaw, ami khopäng phäh ung ka law püi ba gui khai.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

MATTHE 12:25

Ngami ah m’lung ngaih cu hmat netah Bawipa Jesuh naw, “Khopäng tumat ung chang gui cu ami m’lung ngaih hnga hnga sei, ami mät gui ami ng’tuk-ah a kyak ung, cun ah khopäng cu kä shou pha sei, dimaih khai. Acun ah mäih ah m’lung ngaih kä kawng ät ciah pigaw, kä cun ung kyong khui cu kä khäng htek khai.

DANIEL 7:6

Kei naw ka teng sangung ahei khiküi tumat dang law ba ci. Ani cu kawnghta ah mäih lawk ci, cun ung phi a hnu täng ah ang phya phli om ci, cun cu kha ah ng’phia ah mäih ah kyak ci, ani ung alu phli om ci, cun cu huham mah ciah mäih ah kyak ci.

JEREMIAH 45:4

“Cun ung phi kei, Bawipa naw ka cawh cu phye ne, ka geit cu ka mawi ci nei kei naw shin ah khomdek avan ung ka bik khai nei.

JEREMIAH 31:40

Aksi gui ami phuh nak la ng’awt ami gawh nak ah khong nawi la kidron tuihta ah ahan khan khobung avan, ak kyang täng ng’se m’kawt ung khüt cicu kei ah phäh ah a theingcim hmun ah a kyak khai. Mang gaw cu a u naw phi ka shu sheiuh kä m’di m’shum ba khai.”

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

THU PHLAAN 7:1

Cun kawn ah khankho chang paphli cu khomdek khocawi akit phli ung ng’düi u sei ka hmu gui ci. Ngami naw m’dek khan, tuinu ah khan la singghing gui cun phi khawkhi naw kä yon hlawt khai ah k’pang ci gui.

JEREMIAH 49:36

Kei naw akit gui avan ung Elam cu khi khai ah khokhi ka pyang khai ani ah chang dawng gui ah kä gawk nak ah khopäng kä a om ba güt ung ani ah chang gui cu kho nü ung ka püi sak gui khai.

EZEKIEL 37:9

Khanpughi naw na pyen nak ci, “Hnicim chang, khokhi ah khan ah cängbang ä. Khokhi am m’thein ä, uktu Bawipa naw thumkhän ci, akit päng ung khokhi ne, shin ah aksi pumsa gui cu ng’ghi sak ne, ghin sak gui ä.”

ZEKHARIAH 2:6

Bawipa naw a hang gui am, “Kei naw khaw ng’nü ung ka ning püi sak gui ci, cun ung phi tuhbäi nang chang k’dawng gui, Babilonia ah ka gawt law ne, Jerusalem ah nami law ba ci.

ZEKHARIAH 6:5

Ani naw, “Ngami cu khokhi mawng phli ah kyak ci gui, m’dek khan avan khäm ciah Bawi ah ma ungka tuhbäi lawk ci gui ah kyak ci.