DANIEL 11:38 - Cho Bible Common Language 2016

³⁸ Cun gui ah a hnün ung vongpaang gui ngäng ciah Khanpughi cu ani naw m’tamkhah khai. Ani naw ghui ni, ngui ni, pyülung ni la ahei aküikyang gui cu, apupa gui naw kä ami khawihnah man ah, Khanpughi am douthak khai.

DANIEL 11:38 Referans Kwoze

1 TIMOTHI 4:1

Ngawi ah chang amshah gui cu, hleeihlak ciah mümcha ah thu ngai u ne, khoshe ah m’theithang cu läk u ne, ami yum nak cu nawng lawk khai gui nei cine Mumcha naw ang dang ah pyein ci.

ISAIAH 44:9

A gup pyan ciah chang gui avan cu a kholä ah kyak ci, ami tuk-äih nak ah khanpughi gui cun phi akholä ah kyak ci. Shin ah khanpughi gui khawihah ci gui cu, am dauh gui, a i kä hmat ci gui ah kyak ci. Ngami cu lü ng’aa khai gui.

THU PHLAAN 18:12

Ngami ah khawh gui cu ghui, ngui ng’mo, yih, pää, ng’hlo pyai, tui ng’ui a hlü hlü, m’vuihaa, sing a hlü hlü, cheeipai, m’si k’tolung;

DANIEL 11:7

A cun ng’lung ung ani ah a mätyah gui ungka tumat cu ghangpughang ah kya lawk khai. Ani naw Siria ghangpughang ah gakap gui cu tu gui ne, ami vongpang kyong ah luh shi gui ne hnim gui ci.

DANIEL 11:37

Ghangpughang naw apupa gui ah khawihnah man ah Khanpughi la hnumi gui ah m’hni ah Khanpughi cu a i ah kä sui khai. A i ah kyasei ci ung ani naw cun gui avan ah dämduh pi ciah ngai khai.

DANIEL 11:39

Ani naw ang vongpaang gui a shungvong nak vai ah a khaw hei khanpughi khawihnah ciah chang gui cu mang gui khai. Ani uktu ah dou ciah chang gui cu akdäm ah m’tam gui khai, yung ak hlüng ung tha gui khai, ng’chuh ah khobung phi pe gui khai.