DANIEL 11:37 - Cho Bible Common Language 2016

³⁷ Ghangpughang naw apupa gui ah khawihnah man ah Khanpughi la hnumi gui ah m’hni ah Khanpughi cu a i ah kä sui khai. A i ah kyasei ci ung ani naw cun gui avan ah dämduh pi ciah ngai khai.

DANIEL 11:37 Referans Kwoze

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

ISAIAH 14:13

Nang naw khankhaw ah hang kai ne, akhlüng pikbäih ah aisi gui ah khan ah na mangkiang k’süm vai ah nakbäi te ci. Khan pughi gui ah ami ng’bum nak a siiptäng khomhtung ung ghangpughang ah mäih ah ngoh vai ah nang naw na ngai te ci.

1 TIMOTHI 4:3

Cun ah chang gui naw, käng chung la vai, ei amshah cu hlawi vai, ciah m’theithang ci gui. Cun ung phi yum ne Thu düng hmat ciah chang gui naw, m’hlüngtai ne taigü u netah, cun ah ei cu ami ei vai ah Khanpughi naw a tüi pyan ah kyak ci.

EZEKIEL 24:16

Ani naw pyen ci, “Hnicim chang, nang naw na m’hni pi k’bäih ah chang cu kei naw ang ghit ah ka lak khai. Nang cu ng’thu kä na m’da vai, kä na kyah vai, na ng’phli tui kä na chak vai.

SOLOMON NG’Ä~ 7:10

Kei ah ka m’hni naw na khäm ci, ani naw na ng’ya hlük ci.

THULÄÄN NAK 21:11

Acun gui ah ng’lung ung kyom ciah hnumi nami m’hni, nami chu nak hlü om khai,

THULÄÄN NAK 5:21

“Chang ah chu, chang ah im, chang ah khaw, chang ah changshäm, chang ah sei me la chang ah khawh, a i phi alä ah kä na ng’yak hlü düt vai.

ATÜNNAK 3:16

Ani naw hnumi phi, “Kä mah ne na yaica nak cu ka shou sak khai, na hta ung geinvai ne na ng’khokhüt khai, na cei ah pyen ah om ne, na cei ah uknak ah kaa ah na om khai.

ATÜNNAK 3:5

Shin ah theih nami ei ah a kyak ung Khanpughi ah mäih ah nani kya tuk khai, akni akshe nani ng’thumcha thei khai, cun cu Khanpughi naw hmat neta a pyen ah kyak ci” cik ci.

DANIEL 8:11

Khankho gakap gui ah manghta phi k’taap ne, ani am a hnüüptä ami douthak phi ng’düm sak ci.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

DANIEL 11:38

Cun gui ah a hnün ung vongpaang gui ngäng ciah Khanpughi cu ani naw m’tamkhah khai. Ani naw ghui ni, ngui ni, pyülung ni la ahei aküikyang gui cu, apupa gui naw kä ami khawihnah man ah, Khanpughi am douthak khai.

ISAIAH 14:14

Nang cu khaw ng’mei gui ah apam ah hang kai ne, m’gäi ciah kyak vai ah na pyen te ci.

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.