DANIEL 11:32 - Cho Bible Common Language 2016

³² Ami yum nak nawng shüt ciah chang gui cu ghangpughang naw m’hleeihlak gui ne, amät täng ah ami kyak vai ah ci gui khai. Cun ung phi Khanpughi läk ciah chang gui naw ng’tuk püi tuba khai gui.

DANIEL 11:32 Referans Kwoze

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

NG'THU K'THUUK~ 26:28

Nang naw chang tumat thüi na ne nat nak a gah vai ah na m’hleei ci. Kä nik ciah ng’thu m’gawng cu a kholä, di nak ah kyak ci.

NG'THU K'THUUK~ 19:5

Nang cu yung ah m’kawt ung na hleei na pyen ung m’kyuk nak na gah khai. M’hlawt nak ka om khai.

THU PHLAAN 6:11

Cun gui-am suinu a bawk bäng bäng pe gui netah, ngami ah mäih ah ami ngawn gui vai ah, ami teihpüi gui la ami phäi nau gui, ah ming a khüm güt, a shäng hta ami ng’düm vai ah m’cäi gui ci.

DANIEL 11:21

Khanchang naw hteit ne am thein cu, “Cun kawn ah ka Siria ghangpughang cu changshe ah kyak khai, ghangpughang ah kä khin ciah kyak khai, ani naw kä ngaih-tüh ah law ne huham khäm khai.

DANIEL 11:34

Ngawn sheh nak cu om gäk gäk khai, ngami ung ng’dawn law tuk ciah chang akda naw ami mät ah phäh bäng ah ami bi ung phi, Khanpughi ah chang gui naw api ah m’hteihtang nak gah khai gui.

NEHEMIAH 4:14

Kei naw chang gui cu ng’ä ai u sei, ka hmu gui ci, cun ah kyasei kei naw ngami, ami ng’vai gui la ami bawi gui ka pyen nak gui cu, “Mi ga gui kä nami kyih en gui vai, bawi cu a i hlawk ah dämduh ne kyih vai kyak ci cicu nami shüm ba vai nei, Nami chang paw gui, nami htanau gui, nami chu gui la nami im gui ah phäh ah nami tuk vai nei.