DANIEL 11:30 - Cho Bible Common Language 2016

³⁰ Roman chang gui naw htinpaw awn law u ne ani cu hnungtuk püi khai gui, ani cu kyi kyawk khai. “Cun kawn ah ani cu m’lung she ne ng’hlat ba neta, Khanpughi ah chang gui ah yum nak cu m’di khai ah tha nak khai. Cun ah yum nak nawng shüt ciah chang gui ah m’cumcäi phi ani naw läk khai.

DANIEL 11:30 Referans Kwoze

ATÜNNAK 10:4

Javan ah htangshon gui cu, Elishah, Spain, Cyprus la Rodes;

KHEI NAK 24:24

Ng’tuk sou ci gui cu Cyprus ah ka hleikaw awn lawk khai gui nei. Ngami naw Assiria la Eber cu tu ne näng khai gui nei. Cun ung phi ngami cu ng’hlah shi ba gui ne ang tä sei m’di gui khai nei.”

DANIEL 11:28

Siria ghangpughang naw tuh na a khäm ah khawh avan hteh püi ne a im ah hteit ba khai. Ani naw Khanpughi ah chang gui ah yum nak cu m’di vai ah k’bäi ci. Ani naw amät ah m’hni hni ah bi neta amät ah khaw ah hteit ba ci.

JEREMIAH 2:10

Akhei täng saiprus kho ah hteit vä, Akiang täng Kedar kho ah chang tumat tüi vä. Ngami ah shin ah mäih a i phi kä kya ba sei nami hmak khai nei.

ISAIAH 23:12

Sidon mang gaw, nang ah yeikyai nak cu ng’pyi pyi ci nei, na chang gui cu skedam na gui ci gui nei. Ngami cu curt ne caiprus ah nami hteh ung phi, phiawn nak kä om khai nei.

ISAIAH 23:1

Shin cu Tire gawnu ah mawng thumkhäh ah kyak ci. Thuinu ah khan ung gawk ciah htinpawkläk gui! Thüisei vä! Nami im gawnu Tire cu dipyi ci nei; a cun ung im gui la tukkem im gui cu she pyi ci nei. Nami htinpaw Caiprus ah ka a law ba ung nangmi naw cun ah mawng nami hmat ci nei.

THU PHLAAN 12:12

Cun ah kyasei khanmawpi la khankho chang gui yeikyai vä. Khomdek la tuinu ah phäh ah thüisei vai ah kyak ci nei. A i ah kiasei ci ung khoshebawi cu amät ah akhin apihta bäng om ba ciah hmat netah, ang htei ah m’lungshe ne ngami ah om nak ah a gawk law pyi ah hmawk ah kyak ci nei” cine a pyein cu ka ng’yak ci.

MATTHE 24:10

Cun ah khin ung chang gui cu ami yum nak nawng u ne, tumat la tumat ng’cha tuk khai gui, ng’gen tuk khai gui nei.

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

EZEKIEL 27:6

Ngami naw Bashan ah ka he-sing gui cu la ne hlaw k’plei nak ah pyang ci gui; Ngami naw nang ah ngoh phah gui cu Saiprus ah ka m’htai awn pyang u ne m’vui ha gui awn cüiche ci gui.

NEHEMIAH 6:12

Kei naw cun ka ngaih-tüh ung, Khanpughi naw Shemaiah ang htau püi ah kä kyak ci, Sanballat la Tobiah naw ng’mü khawh pe ni khäta, shin ah thumkyih ana pek ah kyak ci, cicu ka hmat ci.

1 SHONTÄP NAK 1:7

Javan ah hta ng’shon gui cu Elishah, Spain, Saiprus la Rhodes chang gui ah kyak ci.

DANIEL 11:29

“Shou hta khäta ani naw Egypt cu tuba mä khai. Cun ung phi tuhbäi läi apäng ahei ah ana kya yawp khai.