DANIEL 11:27 - Cho Bible Common Language 2016

²⁷ Ghangpughang hnih cu tawnglang tumat ung atäng ah ngo ne ei khai goi. Cun ung phi ani m’lung ngaih cu sheka sei tumta la tumat ng’thuvi na tuk khai goi. Ngami naw ami ng’yak hlü kä gah khai gui, a i ah kyasei ci ung ngami ah a khin kä gawk law phak ci.

DANIEL 11:27 Referans Kwoze

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

DANIEL 11:35

Cüivai ciah ang vaihta gui cu ngawn gui khai gui cun ung phi cun ah ami ngawn ah phäh ah chang gui cu theingthap lawk khai gui. Shin cu Khanpughi ah m’hnüt nak ah khin kä a gawk pha ah chuih a cun ah kya lä khai.

SAM 64:6

Ngami naw akshe pawng püi u neta, “Keimi naw kümbe ciah cheishoh nak kami pawng püi ci,” cik ci gui. Chang ah m’lung la ngaih cu thuk aih ci nei.

DANIEL 11:40

“Siria ghangpughang ah akhin ang pyi law ung, Egypt ghangpughang naw tu lawk khai. Siria ghangpughang naw a huham avan, yatha gui, ng’sela gui la htinpaw akda mang ne ng’tuk püi tuba khai. Ani naw tui klaw ah mäih ah khopäng akda cu tu gui khai.

DANIEL 8:19

a pyen cu, “Khanpughi ah m’lung she nak a i cha ah kya lawk khai ci cu, kei naw ka ning m’dang nei. Muimang ah mawng cu kho ang pyi nak vai ah khin ah kyak ci.

NG'THU K'THUUK~ 26:23

Akcang ah na ngaih-tüh thup ciah kä ni ciah thu cu, a phu yün ciah m’dek am ah khan ah hman akni hei dak ah mäiha ah kyak ci.

NG'THU K'THUUK~ 12:20

Akshe bi vai ah pawng püi ciah chang cu, cäi vai ah shekak ci, Cun ung phi akni bik ciah chang naw yeikyai nak hmuk ci.

SAM 58:2

Nangmi cu, nami bi hning ah akshe bäng nami ngaih-tüh ci, kho ah khan ung shetkat ciah cheishoh nak nami bik ci.

SAM 52:1

M’gäi ciah chang shetkat nak awn a i ah kyasei na khähghah ang? Khanpughi ah bekhüt nak cu ng’lang täi ci nei.

1 THESSALONIAN 5:1

Phäi nau gui aw, shin gui a gawk law nak vai a khin la a mawng gui cu ca awn guk vai kä hlü ci nei.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

LAMKTU 1:7

Bawipa Jesuh naw, “Akhin cu Pa Khanpughi ah m’khüt näng nak bäng ah kyak seih nang mi naw na mi hmat vai ah kä kyak ci.

DANIEL 11:29

“Shou hta khäta ani naw Egypt cu tuba mä khai. Cun ung phi tuhbäi läi apäng ahei ah ana kya yawp khai.

DANIEL 10:1

Cairus cu Peisia ghangpughang ah a kyak nak a kum thum ung Belshazzar ah phi ami pyen ah Daniela ung ng’thu m’khäh gawk lawk ci. Thu m’khäh cu akcang ah kyak ci, cun ung phi kä hmat hlawt vai ah kyak ci. Cun cu ani ah muimang ung ng’phlan ne gawk lawk ci.

EZEKIEL 17:9

“Cun ah kyasei kei uktu Bawipa naw ka ng’shi cu, “shinah Sapyit ghing ne däm hlawt khai ang? Ak htük bäih ah zangzung naw shin cu ang yung ah mawi ne, ak theih gui ci hlit ne, ang ban gui kaih hnet ne ng’yai sak khai ah kä kya ne ang? Shin mawih nak hning vai ah thagui ak da, m’gäi ciah pakhui kä hlü hnga khai nei.

NG'THU K'THUUK~ 19:21

Chang gui naw a hlü hlü ah pawng püi ci gui. Cun ung phi Bawipa ah ng’yak hlü naw pyi phleh ci.

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

2 SAMUEL 13:26

Cun ung phi Absalom naw, “Cun ung phi, a i ah akiak ung phi ka phäi Ammon baw tah, na law sak vai! Ghangpughang naw, “Ani a i ah kyasei ang?” cine ng’shik ci.

DANIEL 11:28

Siria ghangpughang naw tuh na a khäm ah khawh avan hteh püi ne a im ah hteit ba khai. Ani naw Khanpughi ah chang gui ah yum nak cu m’di vai ah k’bäi ci. Ani naw amät ah m’hni hni ah bi neta amät ah khaw ah hteit ba ci.

DANIEL 8:17

Kabriel cu law ne ka pei ah ng’düi sei, kei cu kyih aih neta m’dek ung kyu ne ka ng’yän ci. Ani naw na pyen nak ci, “Chang aw, amawng cu hmat ä, shin ah muimang cu kho ah ng’pyi nak vai ah a mawng ah kyak ci.”