DANIEL 11:24 - Cho Bible Common Language 2016

²⁴ Ani naw kä pyen sak ah bühmang ciah khopäng tumat cu tu ne khäm ne, apupa gui ah kä bi man cu bik khai. Ani naw ng’tuk nak ung a gah ah khawh gui cu a hnu ah läk ci gui am tei gui khai. Ani naw mang gaw paang gui tuk khai ah pawng khai, cun ung phi ani ah khin cu a shäng pyi khai.

DANIEL 11:24 Referans Kwoze

MATTHE 9:4

Bawipa Jesuh naw, ngami ah ngaih cu hmat netah, “Nangmi a i ah kiasei cän ah akshe ah nami ngaih-tüh ang?

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

EZEKIEL 38:10

Shin cu uktu Bawipa naw Kok a pyen nak ah kyak ci: “Cun ah khin a gawk law ung akshe bi vai cu nang naw tün ne na ngaih-tüh khai.

NG'THU K'THUUK~ 23:7

“Law ä, ng’khap ba ä!” cik khai, cun ung phi akcang ah kä kyak ci. Ani ah ngaih cu ahei.

NG'THU K'THUUK~ 19:6

A chang pang naw bawimang naw am kum vai ah k’tha nak ci, A chang pang naw m’kum nak gah ciah chang awn khawt sheng vai ah bik ci.

NG'THU K'THUUK~ 17:8

Chang amshah naw ng’mu bi cu cecai ah maih ah ngai ci gui, cun naw avan bi hning khai ah ngami naw yum ci gui.

NEHEMIAH 9:25

Na chang gui naw khäng ciah mang gaw gui, anglei nik ciah khaw, khawh be ciah im gui, cawh pyi ah tui shawk gui, olive sing gui, theih ciah sing gui, la sapyit dum gui cu khäm ci gui nei. Ngami cu ami ei hlü ei u ne plan lawk ci gui; nang naw na pek gui ah akni gui avan awn yeikyai ci gui.

SUKI GUI 9:4

Ngami naw Baala-ah-thukhäm pum im ung ka ngui chih-kip la u neta ani am pek ci gui, acun ah ngui awn ani naw chang pyai gui ng’vat gui ci.

KHEI NAK 13:20

Khonglei ani la singkhu bäng ah a kyak nami teng vai. Ngaih na ne acu ah phung ghing ciah sing ah am theih nami law püi vai.” (Cun sang cu sing theih gui tün ne a up law nak ah a khin ah kyak ci.)

EZEKIEL 34:14

Kei naw ngami cu khomhtung gui la khongnawi gui khu ah lim nak ung phyawng sei om sak gui ne, Israel khaw khu m’kim nak avan ung ka hteh püi gui khai.

DANIEL 11:23

Ani naw shaitak bi ne ahei pakhui gui m’hleeihlak gui khai. Ani naw khaw aläm hta a uk pang ung phi, ani cu thamah law pi pi khai.