DANIEL 11:18 - Cho Bible Common Language 2016

¹⁸ Cun kawn ah ani naw tuinu kem ung om ciah pakhui khaw gui cu tu gui ne akda näng gui khai. Cun ung phi a khaw hei ang vaihta naw ani cu hnim ne, ani ah m’gäi nak cu ng’pyi sak khai. Akcang ah Siria ghangpughang cu ani naw shum sak khai.

DANIEL 11:18 Referans Kwoze

HOSEA 12:14

Israel chang gui naw Bawipa cu akha ah m’lungshe sak ci gui. Ami mät ah cheishoh nak ah phäh ah ngami cu sih vai ah khin ci gui. Ani ah khan ah m’lung thüi nak ami law pü ah phäh ah Bawipa naw ngami cu m’kyuk gui khai.

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

JEREMIAH 31:10

Bawipa naw pyen ci, “Pakhui gui, na ngai vä, kei ah ng’thu gui cu ashou nak khaw yung ah shäu vä. Kei ah ng’thu gui cu ka püi sak gui ci, Cun ung phi ka k’bum ba gui khai, Htoshäm naw htome gui a ngäng ah mäih ah ka ngäng gui khai.

JEREMIAH 2:10

Akhei täng saiprus kho ah hteit vä, Akiang täng Kedar kho ah chang tumat tüi vä. Ngami ah shin ah mäih a i phi kä kya ba sei nami hmak khai nei.

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

EZEKIEL 27:6

Ngami naw Bashan ah ka he-sing gui cu la ne hlaw k’plei nak ah pyang ci gui; Ngami naw nang ah ngoh phah gui cu Saiprus ah ka m’htai awn pyang u ne m’vui ha gui awn cüiche ci gui.

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

ESTA 10:1

Ghangpughang Ahasuerus naw a uknak khaw tuilawng kam täng la khaw kyong täng ung om ciah chang gui cu akgat ah bii bi sak gui ci goi.