DANIEL 11:13 - Cho Bible Common Language 2016

¹³ “Siria ghangpughang cu ng’hlat ne hteit ba ne, ayanä kaa ah ta da pi khai ah gakap m’cut ba khai. Akhin a gawk law ung ani cu likhim akbe, gakap akhak awn ng’hlat law ba khai.

DANIEL 11:13 Referans Kwoze

DANIEL 4:16

Khokum chih ung ani cu chang ah m’lung ngaih kä om sei, khisa ah m’lung ngaih ah m’lung ngai khai nei.

DANIEL 12:7

Khanchang naw khankho mik ah akut goi han shäng neta, angtäi ghing ciah Khanpughi ah ma ah küikyang ciah shaitak nak bik ci. Ani naw a pyen ka ng’yak cu, “Cun cu khokum thum la avang shou khai nei. Khanpughi ah chang gui ami dukdeiu nak ang pyi law ung shin gui avan cu kya yawp khai nei.

DANIEL 11:12

Ani cu a näng ah phäh la chang akda a ngawn ah phäh ah chang ah ng’shei khai, cun ung phi ani cu k’täi ne kä näng hlawt khai.

DANIEL 11:14

Cun kawn ah chang akda naw Egypt ghangpughang cu hnungtuk püi khai gui. Daniela, na pakhui ungka m’gäi m’cik ci gui naw, muimang ami hmuh ah hmawk ah hnungtuk khai gui, cun ung phi ngami cu hnim gui khai gui.

DANIEL 11:40

“Siria ghangpughang ah akhin ang pyi law ung, Egypt ghangpughang naw tu lawk khai. Siria ghangpughang naw a huham avan, yatha gui, ng’sela gui la htinpaw akda mang ne ng’tuk püi tuba khai. Ani naw tui klaw ah mäih ah khopäng akda cu tu gui khai.