DANIEL 11:12 - Cho Bible Common Language 2016

¹² Ani cu a näng ah phäh la chang akda a ngawn ah phäh ah chang ah ng’shei khai, cun ung phi ani cu k’täi ne kä näng hlawt khai.

DANIEL 11:12 Referans Kwoze

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

1 TIMOTHI 3:6

Ani cu yum nak khäng htek pyi ciah a kyak vai, kä cun ung ani cu ta-äh law aih ne khoshe ah mäih ah m’khoichaa nak gah khai nei.

DANIEL 8:25

A i ah kyasei ci ung ani cu thei leh ciah kya ne hleei hlak nak täng ung ani cu näng nak gah ci. Ani cu amät m’ghämce ne a u kä m’cäicat ah chang akda m’di khai. Ani naw ghangpughang avan ung dämduh pi ci phi küknet püi khai, Cun ung phi ani cu chang ah huham awn kä kyak ci awn m’di nak gah khai.

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

EZEKIEL 28:17

Nang cu na kyom nak awn na khähghah ci, na ming thang nak naw akgu ah mäih ah ning hnün thawh sak ci. Acun ah phäh ah kei naw nang cu m’dek ung ning chah ne, ahei ghangpughang gui ah phäh ah ng’thu bäi ah kyak khai ah ka ning nawng ci.

EZEKIEL 28:5

Nang cu sumlei nak ung na bilo thei ci kya ne atawnglawn cu na gah ci. Nang cu na khawh cham awn na khäh ghäh aih ci nei!

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

2 SHONTÄP NAK 32:25

Cun ung phi Hezekiah cu chang ah ng’shei aih ne, Bawipa naw ani ah khan ah abi ah bä nak cu kä m’dan hlük ci, acun ah phäh ah Judah la Jerusalem cu yaica ci gui.

2 SHONTÄP NAK 26:16

Ghangpughang Uzziah cu thamah law neta chang ah ng’shei law ne, amät ah yung kyak nak vai ah kya lawk ci. Ani cu Taigüim kyong ah hteit ne m’khih nak ah sonkiang ung m’khih ni a bi nak awn Bawipa Khanpughi khan ah cu küknet nak ci.

2 SHONTÄP NAK 25:19

Tuhbäi Amaziah aw, Edomit gui tu hnim neta na khähghah ci, cun ung phi na om düt vai ah ka ning m’cäi ci nei. A i ah kyasei na mät la na chang gui ah khan ah gawk lawk khai yaica nak leigai cu na m’thaw ang?

2 GHANGPUGHANG GUI 14:10

Tuhbäi, Amaziah aw, nang naw Edomit gui cu na m’hnim gui ci, na khähghah ci. Acun ah näng nak awn ng’büh ne na im ah om mä. Na mät la na chang gui ah khan ah leigai law püi khai ah khüikha nak cu a i ah kyasei na m’thawh hlü ang?” cik ci.

THULÄÄN NAK 8:14

Chang ah kä nami ng’shei vai ah nami cimgang vai. Changshäm ah nami kyak nak ah Egypt khaw ungka ning gung gui ciah Bawipa nami Khanpughi kä nami m’hnih vai.

DANIEL 11:11

Egypt ghangpughang cu m’lung she neta, Siria ghangpughang cu ng’tuk püi ne, a gakap akhak cu khäm ci.

DANIEL 11:13

“Siria ghangpughang cu ng’hlat ne hteit ba ne, ayanä kaa ah ta da pi khai ah gakap m’cut ba khai. Akhin a gawk law ung ani cu likhim akbe, gakap akhak awn ng’hlat law ba khai.