DANIEL 10:9 - Cho Bible Common Language 2016

⁹ Kei naw ak aw cu ng’ya neta m’dek ung ng’baw lawk ne kyu ne a i kä ka shüm ba ci.

DANIEL 10:9 Referans Kwoze

DANIEL 8:18

Ani naw ng’thu a pyen yah ung kei cu m’dek ung kyu ne kä ng’shüm ne ka ng’yän ci. Cun ung phi ani naw kei cu na k’pang ne, ka khaw awn ka ng’düi khai ah na m’tho neta,

JOB 4:13

Ana büm ah mäih ah kei ah ka ih nak cu na tüihtok ci,

ATÜNNAK 15:12

Khawhni a hang kiaak kawn ah Abram cu ip hniim ne ip neta, khaw mü ne hmüp law khätah kyikyawk ci.

LUKA 22:45

Bawipa Jesuh cu ak taigü nak ungka tho ne law ba netah, ang düihpüi gui ip u sei hmu gui ci.

LUKA 9:32

Peter la apaw gui cu ngam ne ip ci gui. Cun ung phi ami ng’shüm law ba ung Bawipa Jesuh ah pyü khang nak la ani awn a täng ah ng’düi ciah chang goi cu hmuk ci gui.

SOLOMON NG’Ä~ 5:2

Kei ka ih yah ung ka m’lung cu ng’shüm ci nei. Ka m’hni naw shoh khäk law sei ka ng’mang nak ci. Kei cu na luh sak ä, ka m’hni aw, tuihlim ciah ka m’lung, ka müm kha aw. Kei ah ka lu cu damtui naw ng’shüi ci nei, ka lusam cu goh tui awn vai ci nei.

JOB 33:15

Mü ah chang gui ami ih yah ung Khanpughi naw, ng’mang la muimang ung thu pyen ci.

ATÜNNAK 2:21

Cun ah kya khätah Bawipa Khanpughi naw chang cu ip hniim khai ah ih sak ne, am hnaak guh tumat la neta, a hnün ung asa awn be ba sak ci.

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

DANIEL 10:16

Cun kawn ah chang ah mäih lawk ciah khanchang naw akut shäng ne ka m’nei na tawk ci. Kei naw ani ka pyen nak ci, “Bawi aw, shin ah muimang naw tha na ken sak sei, kei kä ng’düm ne ka ng’hlet cinei.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.