DANIEL 10:6 - Cho Bible Common Language 2016

⁶ Ani ah pumsa cu pyülung ah mäih ah vai ci, ani ah hmai cu kho lailäp ah mäih ah khang ci, amik cu mei ah mäih ah ng’shü ci. Ani ah akut gui la a khaw gui cu kyei m’tui ah mäih ah vai ci. Ani ah ak aw cu chang hli nän ah k’aw ah mäih ah ng’hmum ci.

DANIEL 10:6 Referans Kwoze

THU PHLAAN 19:12

Amik cu meidäi ah pying ne, alu ung lukhu akda ng’büng ci. Amät kawn ah a u naw kä a hmat ah ang ming cu ani ah khan ah ng’guk ci.

MATTHE 17:2

Ngami naw ami hmuh ge ah Bawipa Jesuh ah amüi cu ng’khukhlat lawk ci, a hmai cu khohni ah mäih ah pyü ne, a suisak gui cu bawk-en phäng phäng ne khang ci.

EZEKIEL 10:9

Cun kawn ah ping phli, ami van täng ci gui, khikui tumat ah pei ah tumat ci om sei ka hmuk ci. Ping cu pyülung ah mäih ah vai ci. Ping tumat ci ung ak pat täng ah yuk kang ciah ping tumat ci om ba ci.

EZEKIEL 1:24

Ami zon ung ami ng’phia ami khäp ah k’aw cu ka ng’yak ci; cunah k’aw cu tuinu ah gaai ah mäih, gakap maknu ah k’aw ah mäih, m’gäi ciah khanpughi ah k’aw ah mäih ah kyak ci. Ami zon ami ng’düm ung, ami ng’phia chum ba ci gui,

EZEKIEL 1:16

Ping phli cu ami van ng’müishui ci gui; tumat cicu pyü Lung ah mäih ah pyü ci gui, ping pän gung ak pat täng ah m’kang ne ping tumat ci om ba ci,

EZEKIEL 1:14

Cun ah khiküi gui ami mät cu a lai läp ah ciah ng’lim ne hteit ci gui ang ghital.

THU PHLAAN 21:20

Akhmaa nak cu m’silung, akchuk nak cu k’pyü lung, akchih nak cu ng’ailung, akcheit nak cu cüilung, akkaw nak cu ng’shülung, aghaa nak cu lungkyiing, agha-lei-ät nak cu lung m’kim, a hga-lei-goi nak cu yapilung ah kyak ci.

THU PHLAAN 10:1

Cun kawn ah khankho ah kaa m’gääi ciah khankho chang tumat kyum law sei ka hmuk ci. Ani cu khongmei sui ne ng’hlawp ci, alu cu yapi naw koi ci, a hmai cu khohni ah mäih lawk ci, a khaw gui cu mei ah däi ciah k’tung gui ah mäih lawk ci.

LUKA 9:29

Ak taigü yah ung a müi hmai cu ng’khuk hlat ne, asuisak phi a bawk ah pyü ne khang lawk ci.

EZEKIEL 1:7

Ami khaw cu yäih ne vantang ah khawpaw ah mäih khawpaw nak ci gui. Hoofs Ngami cu kyei m’tui ah mäih ng’shü ci gui.

PHYAWN NAK 28:20

Ak phli nak ung lelung, cüilung la ng’ailung, cun gui cu ghuilung k’am gui ung dang gui vai.

MATTHE 28:3

Ani ah müi cu kho alai läp ah mäih ah kya ne, ani ah sui cu khlüi toi ah mäih ah bawk ci.

THU PHLAAN 2:18

“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.

SOLOMON NG’Ä~ 5:14

Akut gui cu ng’müi ci. Pyülung awn pyan ah kutcüp gui nak ci. Ani ah pumsa cu vailung awn akyong ah pyan ah m’vui ah haa ah mäih ah ng’mi ci.

EZEKIEL 40:3

Ani naw na ng’et sak khäta, kyei ah mäih ah pyi ciah chang tumat cu ka hmuk ci. Ani cu nüt nak vai ah linen gui la nüt nak ah htung cu kawt ne, m’kawt ung ng’düi ci.

EZEKIEL 8:2

Kei naw han teng neta mei ah däi ne Chang ah mäih lawk ciah muimang cu ka hmuk ci. A hteng htäih ungka naw aka täng a pum cu mei ah mäih ah kyak ci, ak khan täng cu kyei m’tui ah mäih ah khang ci.