DANIEL 10:3 - Cho Bible Common Language 2016

³ Hnüüp m’ku lei ät kä ang pyi pha ah chuih kei cu buh meh akni kä ka ei ci, sapyit tui phi kä ka awk ci, ka lu phi kä ka huih ci.

DANIEL 10:3 Referans Kwoze

MATTHE 6:17

Nangmi cu ei nami hlawi ah a kyak ung nami m’hmai m’hla ne, nami lu huih ne, nami säimai vai nei.

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

DANIEL 11:8

Ani naw ami khanpughi gui ah agup gui la a cun ah khanpughi gui ami khawihnah nak ah ghui la ngui khawh gui cu Egypt khaw ah hteh püi ba ci. A ding gei nak khokum a shou kawn ah,

1 KORIN 9:27

Kei naw chang gui ng’längna tuk khai gui ah khü gui netah, ka mät kä ka k’pawih en shüt vai ah, ka pumsa cu liu ne guh khai ah khüi ne ka ng’lüm ci nei.

NAHUM 2:9

Ngui phi ng’yäi ci! Ghui phi ng’phyang ci! Mang gaw ung khawh be ci!

DANIEL 6:18

Cun kawn ah ghangpughang cu mang im ah law ba ne, amu “pum kä ip hlawt ne, a ei kaa ah a i kä ei awk ah om ci.

JOB 33:20

Gawpyam ciah chang cu a ei awk kä hlim sei, Ei akni naw phi m’shemshai ci.

2 SAMUEL 19:24

Cun kawn ah Mephibosheth, Saul ah atu cu ghangpughang hmuk khai ah lawk ci. Ani cu Jerusalem ungka ghangpughang a hteh ungka naw näng ne a law ba ung khüt sei, a khaw kä m’si ne, am gawng mu kä k’teiu ne, a sui kä m’su ne om ciah kyak ci.

LUKA 7:46

Nang naw kei ah lu cu kä na na hluk ci, cun ung phi ani naw tuing’ui awn kei ah lu cu hluk pyi ci nei. Cun ah kyasei nang-am ka ning m’thein cu,’ shin ah hnumi cu hmakat nak akda ungka phyawng pyi ci nei.

DANIEL 10:12

Cun kawn ah ani naw, “Daniela, kä na kyih vai nei. Nang naw hmuhmat nak na gah vai ah na mät naw na mät ng’neim sak ne, na k’ba’i ah hnüüp ung tün ne, Khanpughi naw na taigü cu ng’yak ci nei. Kei cu nang ah taigü ka ning m’shang khai ah ka lawk ci nei.