DANIEL 10:2 - Cho Bible Common Language 2016

² Cun yah ung kei cu hnüüp m’ku lei ät ka thüikyap ci.

DANIEL 10:2 Referans Kwoze

NEHEMIAH 1:4

Cun ng’ya neta kei cu ngo ne ka kyap ci. Kei cu khaw hnüüp akda ung thüisei ne, ei kä ka ei ci, Khanpughi ah ka taigü ci.

THU PHLAAN 11:5

Ngami cu plawsheh law gui ci a om ah a kyak ung, ami m’gawng ung mei lut law ne ami gaa gui cu m’khih yawp ci. Acun ah mäih ah ngami ci gui khai ah k’tha nak ci phung cu ngawn ghäm ghäm ci gui.

JAMES 4:9

Thüisei vä, kyap m’lau vä; nami gaih nak cu, kyah nak ah ng’lat sak vä! Nami yei nak cu thüi nak ah ng’lat sak vä!

ROMAN 9:2

Kei cu ang htei ah ka thüi ci. Kam lung kyong ah angtäi sei yaica nak om ci.

MATTHE 9:15

Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

ISAIAH 66:10

Jerusalem ung lünlawi vä; ani ah hmawk ah yeikyai vä, cun ah mang gaw m’hni ci gui nami van! Ani ah hmawk ah thüi sei ci gui nami van, Tuhbäi ani awn yeikyai vä!

SAM 43:2

Nang cu ka ng’yii nak ah na kyak ci. A i ah kyasei na na nawng ang? A i ah kyasei ka ga gui ah shedam nak ung, ka gein-vai vai ang?

SAM 42:9

Ka ng’zi nak Khanpughi ah thu ka pyen cu, “A i ah kyasei kei na na m’hnih ang? A i ah kyasei ka gaa gui ah shedam nak ung ka gein vai ang?”

DANIEL 10:12

Cun kawn ah ani naw, “Daniela, kä na kyih vai nei. Nang naw hmuhmat nak na gah vai ah na mät naw na mät ng’neim sak ne, na k’ba’i ah hnüüp ung tün ne, Khanpughi naw na taigü cu ng’yak ci nei. Kei cu nang ah taigü ka ning m’shang khai ah ka lawk ci nei.