DANIEL 10:16 - Cho Bible Common Language 2016

¹⁶ Cun kawn ah chang ah mäih lawk ciah khanchang naw akut shäng ne ka m’nei na tawk ci. Kei naw ani ka pyen nak ci, “Bawi aw, shin ah muimang naw tha na ken sak sei, kei kä ng’düm ne ka ng’hlet cinei.

DANIEL 10:16 Referans Kwoze

DANIEL 8:15

Kei naw muimang ah mawng ka hmat vai ah ka tha nak yah ung, ang ghit ah tumat mat cu ka ma ah law ne ng’düi lawk ci.

ISAIAH 6:7

Ani naw vi ciaa meicak awn ka m’nei na tawk neta, shin naw na m’nei ning tawk pyi ci, tuhbäi na katnak maih pyi ci, na katnak gui cu ning m’geinsei pyi nei.”

JEREMIAH 1:9

Cun kawn ah Bawipa naw a kut shäng ne, ka m’nei cu pyen vai ah ng’thu gui cu kei naw ka ning pek ci nei.

DANIEL 8:27

Kei cu khaw hnüüp akda ung ka m’lung na sei ka gaw pai ci, Cun kawn ah kei cu tho law ne, ghangpughang ah ana bi sak ah bi cu ka bik khai ah ka hteit ci. Cun ung phi muimang ah phäh ah ka m’lung gogan sei, a i phi kä ka hmat hlawt ci.

DANIEL 8:17

Kabriel cu law ne ka pei ah ng’düi sei, kei cu kyih aih neta m’dek ung kyu ne ka ng’yän ci. Ani naw na pyen nak ci, “Chang aw, amawng cu hmat ä, shin ah muimang cu kho ah ng’pyi nak vai ah a mawng ah kyak ci.”

DANIEL 7:28

Shin cu ka ng’mang ah mawng ang pyi nak ah kyak ci. Kei cu ang htei ah kyikyawk neta ka ng’haam ci, a cun gui avan cu ka m’lung ung ka tha ci.

DANIEL 7:15

Ka hmuh ah muimang naw na cäicat sak sei kei ang htei ah ka cäi ci.

THU PHLAAN 1:13

cun ah mei-im gui ah ng’lung ah hnicim chang ah mäih tumat cu ka hmuk ci. Ani cu akhawphaa yuk pha khai ah suinu sui ne, ghui m’ciu vawp ci.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

LUKA 1:64

Acun vai-am Zechariah cu ng’thu law ba thei netah, Khanpughi cu m’hlüngtai ci.

DANIEL 12:8

Ani naw a pyen ciu ka ng’yak ci, cun ung phi kei naw kä ka hmat ci. Cun ah kyasei ka ng’shi cu, “Shin gui avan cu a i cha ah ng’pyi khai ang?”

DANIEL 9:21

Kei ka taigü sangung muimang ung kei naw ka hmuh te ah Kabriela cu kei ka om nak ah yong ne lawk ci. Cun cu douthak vai ah mühun täng khawihnah nak ah a khin ah kyak ci.

EZEKIEL 33:22

Ani naw kä a law pha ah mühun ung Bawipa ah huham naw kei cu nak küm ci. A ngawi ung khongawi cun ah chang a gawk law ung Bawipa naw kei am ng’thu nak ah huham cu na pe ba ci.

EZEKIEL 3:27

Cun kawn ah kei naw ning thu püi ba ne, ng’thu nak huham ka ning pe ba khai, nang naw ngami am, kei uktu Bawipa naw ka ning pyen nak gui cu na m’thein gui khai. Am shah naw ngai khai gui, cun ung phi amshah naw ai ah ka ngai khai, a i ah kyasei ci ung ngami cu küknet ciah pakhui ah kyak ci gui.”

EZEKIEL 1:26

Shang im ah khan ah senlung awn pyan ah mang kiang ah mäih lawk ci om ci, cun ah mangkiang ah khan ah chang ah mäih lawk ci tumat ngok ci.

THUSHÄUTU 1:18

Chang cu cüivai law pi ci, ng’ä ai law pi ci, hmuhmat law pi ci, a cun naw nat sak pi ci.

SUKI GUI 13:8

Cun kawn ah Manoah cu Bawipa ah taigü ci, “Na bä ni, Bawipa, Khanpughi ah chang keimi ah na tüih law cu, keimi ah law ba sak ne, a hmaw hta nak kawn ah a i haw cha ah bi lawh vai cu na m’thein law ba gui ä.”

SUKI GUI 6:15

Kideon naw, “Cun ung phi Bawipa aw, a i hawk cha ah kei naw Israel gui ka gung gui vai ang? Manasseh pakhui ung kei ah pahta cu ak yawken pikbäih ah kyak ci, kei ah kyongchang ung kei cu kä tungte pikbäih ciah kyak ci” cik ci.

SUKI GUI 6:13

Kideon naw pyen tu ba ne, “Bawi aw, ka ning shi hlük ci nei, Bawipa naw na om püi gui ciah a kyak ung a i ah kyasei, shin ah akshe gui avan keimi ah khan ah a gawk law ang? Egypt khaw ah ka a law püi ba gui yah ung Bawipa naw a bi gui ah cäicat gui nai avan kami pa gui naw ami nam thein gui cu a i hawk cha ang? Bawipa naw na nawng gui ne, na hteh ta gui ne Midian gui am na ap gui ci nei” cik ci.

JOSHUA 5:14

Cun ah chang naw, “Ka nei, Kei cu shin ung Bawipa ah gakap bawi ah ka kyak ci nei” cik ci. Joshua naw m’dek ung bawp ne khawihnah neta, “Bawi aw, kei cu na na changshäm nei, a i ka bi vai ang na ng’yak hlü?” cine ng’shik ci.

PHYAWN NAK 4:13

Cun ung phi Moses naw, “Ka nei, Bawipa aw, na bä ni, chang a hei tüi ä” cik ci.

PHYAWN NAK 4:10

Cun ung phi Moses naw, “Ka nei, Bawipa aw, kä na tüi en ä, kei cu ng’thu thei ciah kä ka kyak ci, nang naw na na ng’thu püi yah ung phi kä ka ng’thu thei ci. Kei cu kä ng’thu hlawt ne, shokshü ne, am kha gih ciah ka kyak ci.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

DANIEL 8:18

Ani naw ng’thu a pyen yah ung kei cu m’dek ung kyu ne kä ng’shüm ne ka ng’yän ci. Cun ung phi ani naw kei cu na k’pang ne, ka khaw awn ka ng’düi khai ah na m’tho neta,