DANIEL 10:14 - Cho Bible Common Language 2016

¹⁴ Nang ah na chang gui ung ngawi ah a i ah kya lawk khai ci cu, kei naw law ne ka ning hmuhmat sak ci nei. Shin cu ngawi ah kya lawk khai ah mawng muimang ah kyak ci.”

DANIEL 10:14 Referans Kwoze

DANIEL 8:26

Mühun la kho ngawi ah khawihnah nak ah mawng muimang kei naw ka ning m’thein cu akcang ah kya lawk khai. Cun ung phi tuhbäi m’yih vai, a i ah kyasei ci ung a cun ah a kyak law nak vai cu kho ak shou lüng ba cang khai.”

DANIEL 2:28

Cun ung phi ak thuuk pi m’dang hning ciah khankho Khanpughi om ci nei. Ani naw nang ghangpughang am ngawi ah a i ah kya lawk khai ci cu, ning hmuh sak pyi ci nei. Tubäi kei naw nang na ih yah ung na muimang nak ah ng’mang cu ka ning m’thein khai nei.

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

DANIEL 12:9

Ani naw na m’shang ne, “Tuhbäi na hteh vai, Daniela, Shin ah ng’thu gui cu adüm ah gim ne, khaw a khüt güt ung thuh vai nei.

DANIEL 12:4

Ani naw na pyen nak ci, “Tuhbäi, Daniela, ca-uk na m’khüp vai. Khaw kä a khüt pha ah chuih cun ah khan ah m’hnüt nak na k’daih vai. Cun yah ung a i ah kya lawk ci, cicu ami hmat vai ah chang akda naw a kholä ah tha nak khai gui.

MIKHAH 4:1

Cun ah hnüüp a gawk law ung Taigü im ah khomhtung cu avan ah hlüng pikbäih khai, m’htung avan ah khan ah tänghän ah kyak khai. Changpakhui akda law ne ng’bum khai gui,

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

THULÄÄN NAK 4:30

Nangmi khüikha nak ung nami gawk law ung, cun gui avan nami khan ah a gawk law ung, ak hnu ah nangmi cu Bawipa ung ng’hlat law ba ne, nami läk khai nei.

ATÜNNAK 49:1

Jakob naw a hta gui cu khü gui neta, “Ka pei ah law vä, nangmi ah khan ah ngawi ah a i ah kya lawk khai cicu ka ning m’thein gui khai:

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

2 TIMOTHI 3:1

Ak hnubäih ah hnüüp gui cu ang cet khengkheng ah kya lawk khai ci cu nami hmat vai nei.

DANIEL 10:1

Cairus cu Peisia ghangpughang ah a kyak nak a kum thum ung Belshazzar ah phi ami pyen ah Daniela ung ng’thu m’khäh gawk lawk ci. Thu m’khäh cu akcang ah kyak ci, cun ung phi kä hmat hlawt vai ah kyak ci. Cun cu ani ah muimang ung ng’phlan ne gawk lawk ci.

DANIEL 9:22

Ani naw phlan ne a pyen cu, “Daniela, cängbang nak hmat thei vah nang ka ning bawm khai ah shin ung ka lawk ci nei.

THULÄÄN NAK 31:21

Cun kawn ah kyih vai ah leigai akda ami khan ah gawk lawk khai. Cun ung phi shin ah ng’äi cu m’cu lä khai gui, a cun cu ngami hnu ng’tuk gui ne saksi ah ng’düi khai. Tuhbäi pang phi, kei naw ka pek gui vai ah ka shai tak nak ah khaw ung kä ka hteh püi gui pha ung, ngami naw a i ngaihtüh ci gui cicu kei naw ka hmat ci.”

THULÄÄN NAK 31:29

Kei naw ka hmat ci, kei ka sih kawn ah chang gui naw, kei ah m’theithang gui cu shetkat shi u ne, hnu nak khai gui. Cun kawn ah lawk ciah akhin gui ung, ngami cu leigai awn ng’hmuk khai gui, a i ah kyasei ci ung ani cu m’lungshe sak khai gui.”

EZEKIEL 12:27

“Hnicim Chang, nang ah muimang la cängbang nak gui cu Israel Chang gui naw ngami pui nu ah ka vai cine ngai ci gui nei.

DANIEL 8:16

Cun kawn ah Ulai tuinu täng ah ka, ng’khü ah k’aw cu kei naw ka ng’yak ci, “Kabriela, ani naw a hmuh ah a mawng cu ani am m’thein ä.”

KHEI NAK 24:14

Balaam naw Balak am, “Tuhbäi kei ka mät ah chang gui ah ka hteit ba khai. Cun ung phi kä ka hteh ba pha ung Israel chang gui naw na chang gui ah khan ah ngawi ah a i bik lawk khai gui cicu ka ning khän tam shüt khai” cik ci.

EZEKIEL 38:16

Nang naw ka chang gui Israel gui cu püikhokhi ne khaw ung anglam ah mäih ah na tu lawk khai. Cun khin a gawk law ung, kei a u cicu changpakhui gui am m’dang nak vai la nang ung ka bi awn kei ah ka theingcim nak cu m’dang nak vai ah, kei naw nang cu ka khaw na tuk khai ah ka ning tüi khai.