DANIEL 10:12 - Cho Bible Common Language 2016

¹² Cun kawn ah ani naw, “Daniela, kä na kyih vai nei. Nang naw hmuhmat nak na gah vai ah na mät naw na mät ng’neim sak ne, na k’ba’i ah hnüüp ung tün ne, Khanpughi naw na taigü cu ng’yak ci nei. Kei cu nang ah taigü ka ning m’shang khai ah ka lawk ci nei.

DANIEL 10:12 Referans Kwoze

DANIEL 10:19

Ani naw pyen ci, “Khanpughi naw ning m’hni ci nei, cun ah kyasei a i naw kä ning ng’ä en sak sä, kä ning kyih en sak sa.” Ani naw shin ah a pyen yah ung, kei naw thamah ba pi neta ka pyen cu, “Bawi aw, nang naw na pyen vai cu na m’thein ä. Nang naw na na hüiyang sak pi ci nei.”

ISAIAH 58:9

Nami k’taigü ung ka ning m’shang gui khai, nami na khü ung ka äi khai. “Zawhnem nak, tawk ne shedam nak lo thu she gui cu.

MATTHE 28:5

Khankho chang naw hnumi gui-am, “Kä kyikyawk vä, kutlamtung ung tai ne, ami ngawn ah Jesuh cu nami shui ciah ka ning hmat gui ci nei.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

ISAIAH 35:4

Am lung thüi ciah changnü m’thein ä, “Khüi ghaat vä, kä kyi en vä! Khanpughi cu ning hun gui khai ah lawk ci nei, nami ga gui m’kyuk khai ah lawk ci nei.”

LUKA 24:38

Bawipa Jesuh naw, “A i ah kyasei nami kyihkyawk ang? A i ah kia sei m’lung kä üp, ngaih kä gep sei nami kyak ang? Kei ah ka kut la ka kho gui cu na teng vä.

TAIGÜTHUM 16:31

Cun ah hnüüp cu ang htei ah theingcim ciah hnüüp ah kyak ci. Ei ami hlawi nak la a i kä ami bi nak ah khaw hnüüp ät ah kyak ci. Shin ah thungyo gui cu lawk ciah a khin avan ung ngaih nak vai ah kyak ci.

TAIGÜTHUM 16:29

Shin ah thungyo gui cu lawk khai ah a khin avan ung ngaih mah nak gui vai ah kyak ci. A cha chih nak ah, a hnüüp gha hnüüp ung Israel chang gui la ami ng’lung ah om tuk ciah a khawhei chang gui cu ei ami hlawi vai, a i phi kä ami bi vai.

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

LAMKTU 27:24

“Paul kä na kyih vai, Nang cu ghangpughang ah ma ah na gawk khai. Khanpughi naw nang cu a ning m’hni nak awn, a täng ah htinpaw ng’cum tuk ci gui ah chang gui cu sih nak ungka k’phiawn gui khai nei” cine pyein ci.

SAM 69:10

Kei ei hlawi ne hnim gei ngä sei, chang gui naw na päipih ci gui;

LUKA 2:10

Khankho chang naw, “Kä kyikyawk vä, chang avan naw ang htei ah a yeikyai nak vai ah ng’thu Ni cu nangmi ah hmawk ah ka law püi ci nei.

LUKA 1:30

Khankho chang naw, “Mari awi, kä kyikyawk ä, Khanpughi naw ning m’hlüngtai pyi ci nei.

LUKA 1:13

Cun ung phi khankho chang naw, “Zechariah aw, kä na kyih vai nei, Khanpughi naw na k’taigü cu ng’yak ci, na k’chu Eliyabeth cu pamihta ah hta lawk khai, ang ming cu Johan ah na sui vai.

MAKUH 16:6

Cun ah chang naw, “Kä kyikyawk vä, nangmi naw kutlamtung ung tai ne nami ngawn ah Nazaret chang Jesuh cu nami shui ciah kä kya ne ang? Ani shin ung kä om ba ci nei, sih nak ungka tho ba pyi ci nei. Teng shüm vä, shin cu ani ah a gook phuh nak te ah kyak ci nei.

MATTHE 28:10

Bawipa Jesuh naw, “Kä kyikyawk vä, hteit ba ne ka phäi nau gui-am Kalile kho ah ami hteh vai ah m’thein gui vä, ngami naw a cu ah na hmuk khai gui nei,” cine m’cäi gui ci.

DANIEL 10:11

Khanchang naw kei am ana pyen nak cu, “Daniela, Khanpughi naw ning m’hni ci. Ng’düi law ne kei naw ka pyen law vai cu geing na ne ngai ä. Kei naw nang cu ka ning tüi ci nei.” Ani naw shin ah a pyen yah ung kei ka ng’düi lawk ci, ka ng’hlet lä ci.

KHEI NAK 29:7

A cha chih nak ah a hnüüp gha hnüüp ung khawihnah vai ah nami bum vai; a i kä nami ei vai, a i kä nami bi vai.