DANIEL 10:1 - Cho Bible Common Language 2016

¹ Cairus cu Peisia ghangpughang ah a kyak nak a kum thum ung Belshazzar ah phi ami pyen ah Daniela ung ng’thu m’khäh gawk lawk ci. Thu m’khäh cu akcang ah kyak ci, cun ung phi kä hmat hlawt vai ah kyak ci. Cun cu ani ah muimang ung ng’phlan ne gawk lawk ci.

DANIEL 10:1 Referans Kwoze

DANIEL 8:26

Mühun la kho ngawi ah khawihnah nak ah mawng muimang kei naw ka ning m’thein cu akcang ah kya lawk khai. Cun ung phi tuhbäi m’yih vai, a i ah kyasei ci ung a cun ah a kyak law nak vai cu kho ak shou lüng ba cang khai.”

DANIEL 6:28

Daniela cu Darius ah uk sang ung la Persian chang Sairus ah uk sang ung bämang ne om ci.

DANIEL 1:21

Daniela cu Persia ghangpughang Sairus naw Babilonia tu ne a näng güt ung mang im ung om lä ci.

DANIEL 1:7

Bawi angvai pi naw ngami cu ming akthai pe gui ci: cun gui cu Belteshazzar, Shadrak, Meshach la Abedneko ah kyak ci gui.

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

THU PHLAAN 19:9

Cun kawn ah khankho chang naw, “Shin cu na guk vai nei, Htomehta ah hta m’um nak ung ami khü gui ah chang gui cu yeikyai nak om ci nei” cinetah leng ba mä ne, “Shin ah ng’thu cu Khanpughi ah ng’thu akcang ah kyak ci nei” cine na pyen nak ci.

DANIEL 12:9

Ani naw na m’shang ne, “Tuhbäi na hteh vai, Daniela, Shin ah ng’thu gui cu adüm ah gim ne, khaw a khüt güt ung thuh vai nei.

DANIEL 12:4

Ani naw na pyen nak ci, “Tuhbäi, Daniela, ca-uk na m’khüp vai. Khaw kä a khüt pha ah chuih cun ah khan ah m’hnüt nak na k’daih vai. Cun yah ung a i ah kya lawk ci, cicu ami hmat vai ah chang akda naw a kholä ah tha nak khai gui.

DANIEL 10:14

Nang ah na chang gui ung ngawi ah a i ah kya lawk khai ci cu, kei naw law ne ka ning hmuhmat sak ci nei. Shin cu ngawi ah kya lawk khai ah mawng muimang ah kyak ci.”

DANIEL 5:17

Daniel naw m’shang ne, “Na m’cümhnah nak gui cu na mät naw kaa ei na ä, kä cun ung tumat mat am pe en ä, Kei naw cun ah guk ah ca cu phat neta a mawng cu ka ning m’thein khai nei.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

EZRA 6:14

Jew ami ng’vai gui cu prophet goi Hakkai la Zachariah naw thagui pe gui u sei, Taigüim ami cawh cu bä law pi khai ah bik ci gui. Ngami naw Israel Khanpughi ah ang’thukhän la persia ghangpughang gui Sairus, Darius la Artaxerxes gui ah thukbäi awn ngami naw Taigüim cu m’khüüp ne co ci gui.

EZRA 6:3

“Ghangpughang Sairus naw a uk nak ah akum htük kum ung ang thumkhän cu, Jerusalem ung Taigüim cu khawihnah nak man la bi nak man, m’khih ne douthak nak man ah hmun ung cawh ba vai nei. Taigüim ah a hlüng cu metre m’ku lei chih ang shawng cu metre m’ku lei chih lawk khai nei.

EZRA 4:5

Ngami naw persia uktu bawi gui am ng’mü khawh pe u ne, ami hnungtuk püi gui vai ah bik ci gui. Ngami naw acun ah Sairus ah uk yah pum ungka naw Darius ah uknak ung khüt sei bik ci gui.

EZRA 4:3

Zerubabel, Joshua la a hta gui la ami ng’vai gui na ngami ami pyen nak gui cu, “Kami Khanpughi, Bawipa ah Taigüim cawh nak ung, nangmi ah bawm vai kä hlü ci nei, Sairus, Persia Ghangpughang naw ana thumkhän gui ah mäih ah kami mät naw kami co khai nei” cik ci gui.

2 SHONTÄP NAK 36:22

Sairus cu Persia ung uktubawi ah a kyak nak a kum ät nak ung Bawipa naw Jeremiah ung a pyen ah ng’thu cu bä khai ah bik ci. Ani naw Sairus cu k’tawt shi ne thumkhän tei sak ne, gu neta ani ah uknak khaw avan ung m’lau ne ami phat vai ah pyen ci.

ATÜNNAK 41:32

Leng ba ba ne na ng’mang nak cu, acun ah mawng cu Khanpughi naw m’düng ne, kä shou pha sei ang dang sak vai ah hmawk ah kyak ci.

LUKA 1:20

Cun ung phi akhin a khüm law ung bä khai ah ng’thu kei ah pyein cu nang naw kä na yum ci. Cun kä na yum ah hmawk ah nang cu na aang khai, kei ah ng’thu bä ne kä ang dang pha güt käng thu phung ah na om khai” cine pyen nak ci.

DANIEL 11:2

“Tuhbäi kei naw ka ning m’thein law vai cu akcang ah kyak ci nei.” Khanchang naw pyen ci, “Persia cu ghangpughang thum naw uk ba khai gui, cun kawn ah ak phli nak naw uk khai. Ani cu ahei gui ami van ah bämang pi khai. Ani cu huham mah pikbäih, bühmang pikbäih ne a kyak law ung Kreece uktu khaw cu ghüh law tuk khai.

DANIEL 8:16

Cun kawn ah Ulai tuinu täng ah ka, ng’khü ah k’aw cu kei naw ka ng’yak ci, “Kabriela, ani naw a hmuh ah a mawng cu ani am m’thein ä.”

DANIEL 5:12

Ani ung a u ah kä bi hning bi nak hning om ci, cüivai ci, mang phlan nak hning om ci, thu yii la ak thuuk kau gui phi phlan hning ci; Cun ah kyasei Belteshazzar ah ghangpughang naw a ming a pek ah Daniela cu k’thäh ä. Ani naw shin ah mawng avan cu ning m’thein khai nei.”

DANIEL 4:8

Cun kawn ah Daniela cu lawk ci (ani cu Belteshazzar phi ming nam ci, cun cu ka Khanpughi ah ming ciah kyak ci) Theingcim ciah Khanpughi ah mümcha cu ani ung om ci, cun ah kyasei kei naw ka mang cu ka m’thein ci. Kei naw ka pyen nak ci:

EZRA 3:7

Chang gui naw lung im co ci gui la peen im co ci gui am pek gui vai ah ngui cu pek ci gui. Lebanon ah ka cedar sing gui ami m’thawng nak ah Tire la Sidon mang gaw chang gui am ei vai awk vai la oliv situi gui cu pek ci gui. Ngami naw tuinu ung Joppa ah ami law püi vai ah kyak ci. Cun gui avan cu Persia uktu bawi Sairus ah shai chah nak awn ami bi ah kyak ci.