DANIEL 1:8 - Cho Bible Common Language 2016

⁸ Mang im ungka ei ei ne sapyit tui awk nak awn kä theingthap nak ung kä gawk vai ah Daniela naw amlung pyang pyi ci. Cun ah kyasei ani naw, Ashpenaz naw am thei thang tu vai ah k’thäh ci.

DANIEL 1:8 Referans Kwoze

SAM 141:4

Cheishoh hlü nak la changshe gui ah shetkat nak ung kä ka ng’gui tu vai ah na k’pang ä. Ngami ah ei awk kä na ng’tei pai en tu sak ä.

1 KORIN 7:37

Cun ung phi pami naw amät ah m’hni ah kä chumah (kä) A hta hnumi kä ceimah sak ne, om khai ah ak pit ah ak bäi ah a kyak ung, cun kawn ah amät ah m’lung phi akcang ah k’üüp hlawt ne amaa law nak gui vai cu am khüt ah a kyak ung, cun ah hnumi (kä) kä ceimah sak ne. Cu kä chu na ne phi om sä.

SAM 119:115

Shekak ciah chang gui a hei ah hteit vä. Kei cu ka Khanpughi ah thumkhän ka läk khai nei.

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.

DANIEL 1:5

Ngami am a hnüüptä sei ei la sapyit tui ami pek gui vai ah phi ghangpughang naw k’bäi ne pyen na gui ci. Cun ah ami ng’thei nak kum thum a lüng kawn ah ngami cu ghangpughang ah ma ah ami hteh püi gui vai ah kyak ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

2 KORIN 9:7

Ak chang sing naw amät ah m’lung ung ayum nak awn a peittaak vai, ng’vang lang ne kä a peit vai, kä peit ung kä bä khai ciah ngai ne kä a peit vai; Khanpughi naw am lung yei nak awn pek ci cun vah m’hni ci.

THULÄÄN NAK 32:38

Nangmi naw nami khawihnah nak ah a thau nami m’bei gui ci. Ami awk vai sapyit tui nami douthak gui ci. Ngami naw tuhbäi law ne ning m’hteihtang law gui u sä. Ning gung gui khai ah Dawng law sak gui vä.

SAM 106:28

Cun kawn ah Peor ung Khanpughi ah chang gui cu Baala khawihnah ci gui ung ng’dawn tu u ne, sik ciah khanpughi gui ah ghu tha nak cu ei tuk ci gui.

1 GHANGPUGHANG GUI 5:5

Bawipa naw, kapa David am shaitak nak pek ci, nang ah kawn ah kei naw ghangpughang ah ka hmoh vai ah na hta naw, kei ah phäh ah Taigüim cu co khai.’ Bawipa ka Khanpughi khawihnah nak vai ah Taigüim cawh vai ah kei naw ka k’bäi pyi ci.

LAMKTU 15:20

Cun ung phi khongyo vawihpeh ng’ghutha nak kä ei vai ah mawng; kä ng’yo khoh dütdüt vai ah mawng; a gawn ung kheik ne ngawn la si phung phung kä ei vai ah mawng gui cu ami hmat hlawi vai ah ca gu ne mi pe gui khai ah ka ngai ci.

NG'THU K'THUUK~ 23:3

Ani ah ning m’bei tu ei akni cu kä na ei hlü aih vai. Ani naw a ning m’hleei vai ah k’tha nak khai.

DANIEL 5:4

ghui ni, ngui ni, kyei ni, m’sii ni, sing ni, lung ni awn ami pyan ah khanpughi gui cu m’hlüngtai ci gui.