DANIEL 1:6 - Cho Bible Common Language 2016

⁶ Cun ah ami ghü gui cu Daniela, Hananiah, Mishael la Azariah ah kyak ci, ngami ami van cu Judah pakhui ungka ah kyak ci gui.

DANIEL 1:6 Referans Kwoze

EZEKIEL 14:14

Shin ah Chang thum, Noah, Damela, la Joba cu a cu ah ami om ah a kyak ung mäta, ami ni nak naw ami mät ah ghin nak bäng va hun hning khai.” Uktu Bawipa naw a pyen nei.

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

DANIEL 2:17

Cun kawn ah Daniela cu im ah hteit ba neta ateihpüi gui, Hananiah, Mishela la Azariah am amawng avan cu m’thein tu gui ci.

EZEKIEL 14:20

acu ah Noah, Danela la Joba om ci gui ah a kyak ung phi — kei, Uktu Bawipa ghing ciah khanpughi ka om ci kiasei-ngami naw ami mät ah hta nau gui phi kä hun hning khai gui. Ami ni nak naw ami mät ah ghin nak bäng hun gui khai.”

MAKUH 13:14

“Tükyai shemshai cicu kä om nak khin ung om sei nami hmuk khai. (Shin ah a mawng cu ca phat ci naw ngai thei sä.) Cun nami hmuh law ung Judea kho ung om ciah chang gui cu khomhtung ah dawng u sä.

EZEKIEL 28:3

Nang naw Deniela ah mä na cüivai tuba ciah na ngai ci, nang ung a i kä m’zih vai ah na ngai ci.

DANIEL 1:19

Ghangpughang naw ami van ng’thu püi gui neta, Daniela, Hananiah, Mishaela la Azariah ni gui cu, a hei gui ah cüivai pi u sei hmu gui ci. Cun ah kyasei ngami cu ghangpughang ah mang im chang ah kya lawk ci gui.

DANIEL 2:25

Acun vai am Arioch naw Daniela cu ghangpughang Nebukhadnezzar ah ma ah hteh püi neta, ghangpughang am m’thein ci, “Nang ghangpughang ah ng’mang phlan ne ning m’thein hning ciah Jew chang omtu tumat cu kei naw ka hmuk ci nei.”

DANIEL 5:13

Daniela cu ang ghit ah ghangpughang ah ma ah hteh püi u sei, ghangpughang naw ani cu pyen nak ci, “Nang cu ka pa ghangpughang naw Judah khaw ah ka a law püi ah Jew chang, omtu, Daniela ma?

DANIEL 6:14

Cun mawng cu ghangpughang naw ng’ya neta, amlung kä ni sei, Daniela k’phyawn nak vai ah lam akni pi cu shui ci. Khohni a hang kyak güt ung tha na ne shui ci.