DANIEL 1:20 - Cho Bible Common Language 2016

²⁰ Ghangpughang naw a i ah mawng ang shi gui ung phi, a i cheishoh nak a thawh law ung phi, shin ah chang phli naw, a uknak kho avan ung om ciah, ng’cängbang ci gui, cecai ci gui ah ta agha vai ah hmuhmat law pi ci gui.

DANIEL 1:20 Referans Kwoze

PHYAWN NAK 8:19

Cee gui naw ghangpughang am, “Shin cu Khanpughi ah bi nei!” cik ci gui. Cun ung phi ghangpughang cu ling ne, Bawipa ah pyen ah mäih ah Moses la Aaron cu kä ngai goi ci.

ISAIAH 19:3

Kei naw Egypt gui pawngpüi gui cu a kholä ah kyak sak ne, ami m’lung ngaih cu ka m’di khai, Ngami naw, ngami m’hteinhtang gui khai ah agup gui cu ng’shi thäh khai gui, Ngami naw khaw ah kai gui ah hteit ne ng’shi k’ca khai gui, sik ciah mümcha gui cu am shümthein gui vai ah ng’shi thäh khai gui.

JOB 19:3

Nangmi naw kei cu akda vei na yoshe na u ne, kä ng’aca ne nami na pyen sak ci nei.

NEHEMIAH 4:12

Cun ung phi keimi ga gui ah ng’lung ah akhin akda ung om ciah Jew chang gui naw law ne, kami ga gui naw na hnung tuk püi gui ne bi vai ami pawng püi cu na m’thein gui ci gui nei.

KHEI NAK 14:22

Shin ah chang a u phi cun khaw ung lut khai ah kä ghing khai gui. Ngami naw pyü ne ng’shü ciah ka ghin om cu hmu pyi ci gui. Egypt la bungpuk ung cäi aih vai ka m’dang cu hmu pyi ci gui. Ngami naw kei ah m’lung sau nak cu leng ba ba ne na k’tek u na, kei ah ng’thu ami läk vai ah mak ci gui.

PHYAWN NAK 8:7

Cun ung phi k’cee gui naw ami cee nak m’dang u ne, khaw avan cu k’u awn be sak ci gui.

PHYAWN NAK 7:22

Ghangpughang ah k’cee gui naw phi a cun ah mäih ah bi tuk ci gui. Ghangpughang cu ling gäk gäk ci. Bawipa naw a pyen ah mäih ah ghangpughang naw Moses la Aaron cu kä ngai goi ci.

ATÜNNAK 41:8

Ghangpughang cu ang’ä ai neta, a ngawi ung kho ngawi, puikaih gui la chang vai gui cu khü gui ne, ang mang cu m’thein gui ci. Cun ung phi a u naw kä k’phlan thei ci.

ATÜNNAK 31:7

Ani naw kei cu na thei leh na ne, ka gah vai ah ng’cheng cu gha vei na m’thawng pek ci nei. Cun ung phi ani naw kä a na m’di vai ah Khanpughi naw bik ci nei.

DANIEL 5:17

Daniel naw m’shang ne, “Na m’cümhnah nak gui cu na mät naw kaa ei na ä, kä cun ung tumat mat am pe en ä, Kei naw cun ah guk ah ca cu phat neta a mawng cu ka ning m’thein khai nei.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

DANIEL 2:13

Cun ah kyasei Daniela la a teihpüigui mah ah m’cumcäi ci gui ami van ngawn gui khai gui ah pawng ci gui.

SAM 119:99

Na m’shümthein gui avan ka ngaih nak ah hmawk ah, kei cu ka saya gui van ah ta, ka hmuhmat law pi ci.

EZEKIEL 28:3

Nang naw Deniela ah mä na cüivai tuba ciah na ngai ci, nang ung a i kä m’zih vai ah na ngai ci.

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.