DANIEL 1:2 - Cho Bible Common Language 2016

² Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

DANIEL 1:2 Referans Kwoze

2 SHONTÄP NAK 36:7

Nebukhadnezzar naw Taigüim kyong ah ka khawhcham amshah cu la ne hteh püi ne Babilon ah a mang im ung tha ci.

ZEKHARIAH 5:11

Ani naw, “Babilonia ah hteh püi khai goi nei. A cu ah ani ah hmawk ah Taigüim co khai gui nei. Taigüim ami pyi ung dawn cu acun ung hmoh neta khawihnah khai gui nei” cik ci.

SUKI GUI 4:2

Cun ah kyasei Bawipa naw Hazor mang gaw uk ciah Kanaanit ghangpughang Jabin am tu ne näng gui sak ci. Ani ah gabawi cu Sisera, chang khuihei gui ah om nak Hazosheth ung ka ah kyak ci.

SUKI GUI 3:8

Cun ah kyasei Bawipa naw Israel gui ah khan ah m’lungshe neta Mesopotamia ghangpughang Kushan Rishathaim ah tu ne näng sak ci, ani naw kum cheit ung uk gui ci.

SUKI GUI 2:14

Bawipa naw Israel gui ah khan ah m’lungshe aih neta, ng’tuk’bi gui am tuk sak gui ci. Ani naw ga gui avan cu ami khaw ah huham mah sak gui khäta, Israel gui cu ami mät naw ami mät kä shung vong ba hning ci gui.

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

ATÜNNAK 11:2

Ngami cu hni law lam ah hteit u ne, Babilonia khonglei do ung gawk ne hmun tuk ci gui.

ATÜNNAK 10:10

Ani naw ak htük ung a uk cu Babilonia khaw ung Babilon gawnu, Erek gawnu la Akkat gawnu gui ah kyak ci.

HABAKKUK 1:16

Ngami naw ami ng’vai cu khawihnah u ne, vawihpeh ci gui, a i ah kyasei ci ung a cun naw akni pi apäng a gah sak gui ah hmawk ah kyak ci.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

JEREMIAH 51:44

Kei naw Babilonia khanpughi Bela cu ka m’kyuk khai, am guuk ah khawh gui a chah vai ah ka cik khai: a u pakhui naw phi kä khawihnah ba khai. “Babilon k’paang gui cu ng’kia pyi ci nei.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

EZRA 1:7

Nebukhadnezzar ghangpughang naw Jerusalem Taigüim ungka la ne amät ah khanpughi ah Taigüim ung a tha ah khawh gui la khap gui cu Sairus naw pe ba gui ci.

1 SAMUEL 5:2

ami Khanpughi Dagon ah pum im kyong ah hteh püi u ne, cun ah a gup pei ah m’düih ci gui.

ISAIAH 42:24

A u naw ang, Israel gui cu, guttep gui ci am a ap gui? Cun cu mikmi naw katnak bi ne, mi hnu ng’tuk püi ah Bawipa amät ah kyak ci nei. Ani naw mi om vai ang yak hlü ah mikmi cu kä mi om ci nei, ani ah m’thei thang gui cu kä mi läk ci nei.

2 GHANGPUGHANG GUI 24:1

Jehoiakim ghangpughang ah a kyak yah ung Babilonia ghangpughang Nebukhadnezzar naw Judah cu tu ne khokum thum ung hnim ne uk ci, cun ung phi akum thum ung ani naw hnungtuk püi ci.

JEREMIAH 25:1

Jasiah ah hta Jehoiakim Judah ghangpughang ah a kyak nak akum phli nak ung. Judah chang gui avan ah mawng ng’thu cu Bawipa ungka ka gah ci. (Cun cu Nebukhadnezzar Babilonia ghangpughang ah a kyak nak akum ät nak ung ah kyak ci.)

JEREMIAH 27:16

Cun kawn ah kei naw taigü gui la Chang gui am Bawipa ah pyen cu ka m’thein gui ci: “Babilonia ah kaa Taigü om ung m’küm khawh gui cu law püi ba ge khai guici ne pyen ciah prophet gui cu kä nami ngaih On gui vai. Ngami naw nangmi cu ning m’hleei gui ci gui.

JEREMIAH 28:3

Khokum goi ah akyong ung Ghangpughang Nebukhadnezzar naw Babilonia ah a hteh püi ah Taigüim m’küm khawh gui avan cu shin ah hmun ung kei naw ka law püi ba khai nei.

JEREMIAH 35:11

Cun ung phi Ghangpughang Nebuchadnezzar naw mi khawpäng a tuk law yah ung, Babilonian la Sirian gakap gui phiawn nak ah Jerusalem ah hteh vai ah kami k’bäi ci. Cun ah kyasei keimi Jerusalem ung kami om ah kyak ci.”

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

DANIEL 5:13

Daniela cu ang ghit ah ghangpughang ah ma ah hteh püi u sei, ghangpughang naw ani cu pyen nak ci, “Nang cu ka pa ghangpughang naw Judah khaw ah ka a law püi ah Jew chang, omtu, Daniela ma?

2 SHONTÄP NAK 36:5

Jehoiakim cu Judah ghangpughang ah a kyak law yah ung a khokum m’ku lei hma lawk ci, ani naw Jerusalem ung om ne, kum gha lei ät uk ci. Ani naw Bawipa a Khanpughi cu hnungtuk püi ne hma nak bik ci.