DANIEL 1:19 - Cho Bible Common Language 2016

¹⁹ Ghangpughang naw ami van ng’thu püi gui neta, Daniela, Hananiah, Mishaela la Azariah ni gui cu, a hei gui ah cüivai pi u sei hmu gui ci. Cun ah kyasei ngami cu ghangpughang ah mang im chang ah kya lawk ci gui.

DANIEL 1:19 Referans Kwoze

DANIEL 1:5

Ngami am a hnüüptä sei ei la sapyit tui ami pek gui vai ah phi ghangpughang naw k’bäi ne pyen na gui ci. Cun ah ami ng’thei nak kum thum a lüng kawn ah ngami cu ghangpughang ah ma ah ami hteh püi gui vai ah kyak ci.

NG'THU K'THUUK~ 22:29

Bii akni ah bik cicu na m’hnuh vä, Ghangpughang ah chang gui ung päipih ci lani pi ciah ta, bä pi cicu ka ning m’hnuh gui khai nei.

ATÜNNAK 41:46

Joseph cu Egypt ghanpughang ah a kyak law yah ung a khokum thumkip lawk ci. Ani cu mang im ungka lut law ne a uknak khaw avan cu hteit ne teng ci.

JEREMIAH 15:19

Cun ci ngäta Bawipa naw, “Nang na law ba ah a kyak ung kei naw ka ning la ba khai, nang cu kei ah changshäm ah na kya ba khai. A kholä ah ng’thu nak vaisü ung bä ciah thu na ng’shäu vaisü ung nang cu kei ah prophet ah na kya ba khai süte. Chang gui cu nang ah law ba khai gui, ngami ah nang na hteh vai kä hlü ci.

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

DANIEL 1:6

Cun ah ami ghü gui cu Daniela, Hananiah, Mishael la Azariah ah kyak ci, ngami ami van cu Judah pakhui ungka ah kyak ci gui.

DANIEL 1:7

Bawi angvai pi naw ngami cu ming akthai pe gui ci: cun gui cu Belteshazzar, Shadrak, Meshach la Abedneko ah kyak ci gui.

DANIEL 1:18

Ghangpughang naw akbäi nak ah khokum thum ng’pyi law khäta, chang nong gui ami van cu Ashpenaz naw Nebukhadnezzar ah hteh püi gui ci.

DANIEL 2:13

Cun ah kyasei Daniela la a teihpüigui mah ah m’cumcäi ci gui ami van ngawn gui khai gui ah pawng ci gui.

DANIEL 3:29

“Tuhbäi kei naw thumkhän ka bik ci, changpakhui tumat, pahta tumat, khopäng tumt cu, Shadrak, Meshak, Abedneko gui ah Khanpughi kä chang m’sui ne ng’thu a pyen ah a kyak ung, ani cu tu pit pit ne, a im cu phye ne k’bum vai nei. A shin ah ma’ih ah gung hning ciah Khanpughi a hawi kä om ci nei” cik ci.

DANIEL 1:4

Cun gui cu kyom sang khai gui, hmuhmat khai gui, cüivai khai gui, ng’thei thang hning khai gui, ami pumsa ung pyen vai kä om khai, cun ah kyasei cun gui cu ghangpughang ah im ung bii bi hning khai gui. Ashpenaz naw cun gui cu Babilonian ca gui thei, phat thei khai gui ah am thei gui vai ah phi kyak ci.